Haduh 4-0 kol pynliem ka Langsning ia ka Malki ha ka SPL

Date:

Share post:

Shillong, Naitung 15 : Ka Langsning FC ka la ioh ban pynliem haduh 4-0 kol ia ka Malki Sports Club ha ka jingialehkai jong ka Shillong Premier League kaba long ha kane ka janmiet ha madan Third Ground Polo.

Ia ki kol jong ka Langsning la ioh ban thep nyngkong da u Arnessius Marwein ha ka minit kaba 19 bad tang hadien katto katne minit pat la ioh ban pynbud lang sa shi kol lyngba u Roikhi Nongtdu ha ka minit kaba 21 jong ka kylla step.

Ka jingialehkai ka la nang shongshit namar tang ha ka minit kaba 24 u Arnessius u la ioh ban thep biang sa shi kol kaba pynlong ia ka kynhun banioh lamkhmat haduh 3-0 kol tang ha ki 24 minit.

Shipor ka jingialehkai ka la sdang ban jai jai hynrei dei ha ka minit kaba 40 jong ka kylla step hi, ba ka Langsning ka la ioh ban thep biang sa shi kol lyngba u Kitbok Pale kaba la pynlong syndon ia ka kynhun ban ioh lamkhmat haduh 4-0 kol tang ha ka kylla step.

Hynrei haba la poi pat ka kylla miet na ka liang ka Langsning kumjuh na ka liang ka Malki ruh kim shym la ioh satia ban thep kol kaba pynlong ia ka jingialehkai ban kut da 4-0 kol.

Ka jingiakhun ha ka 16tarik pat kan long hapdeng ka Rangdajied Untied Fc pyrshah ia ka Lajong FC ha ka por 4baje janmiet.

Share post:

spot_img
spot_img

Popular

More like this
Related

Ka rta dei tang u nombor: Pyndep ka Longkmie ia ka Degree ha ka rta ba 53 snem

Shillong, Nailur 24 : Ha ka khana ba ai...

‘Age is just a number’: 53-year-old graduates from Balawan College; KSU felicitates her

Shillong, Sep 24: In a truly inspiring story that...

Kem ka NIA ia u nong Manipur ba iasuhbuit ban hiar thma ia ka Sorkar India

New Delhi, Nailur 23 : Ka National Investigation Agency...

Illegal Influx: Biren Singh says requested Centre to permanently freeze the FMR between India-Myanmar

Imphal, Sept 24: Manipur Chief Minister N Biren Singh informed...