spot_img

Kem ki Pulit ia u Kyrtong ka BJP na Rajabala ba donkti rahbor Kynthei

Date:

Share post:

Pyllait im ki Pulit ia 3 ngut ki Khynnah Kynthei

Tura, Naitung 15: Ki Pulit ka East Garo Hills District, kila kem ia u Kyrtong barim ka BJP ba iakhun ia ka elekshon MLA shiteng samoi na Rajabala mynshem snem, namar ka jingdonkti ban rahbor ia kawei ka Kynthei.

Une u Kyrtong barim ka BJP Kingston B Marak ula shah kem ha ka 13 tarik Naitung ha ki Pulit ka Williamnagar hadien ba ki Pulit ka Tura kila pyntip ia kane ka kam rahbor ba ula leh.

U Kingston ula rahbor ia kane ka kynthei na Rajabala, West Garo Hills naduh ka 11 tarik Naitung, kaba la pynlong ia ki bahaiing ban leit ujor ia ka jingjah klep ka khun ha Rajabala Police Station.

Ki Pulit kila pynlong ia ka jingtohkit ba bniah halor kane ka jingjia bad kila shem ba kane ka Kynthei kala shah set ha kawei ka IIng ha Williamnagar. Mar kumta ki, ki Pulit na Tura kila pyntip sha Wiliamnagar bad kila ioh ban pyllait ia kane ka kynthei bad ioh kem ruh ia u Kingston.

Ki Pulit kila kurup noh ruh ia ka kali kaba pyndonkam ban rahbor ia kane ka Kynthei lem bad ia artylli ki mobile phone bala pyndonkam ban pynbeij ia kane ka lanot.

U Kingston B Marak u dei uba smat bha ban pyndonkam ia ki social media bad u ju pyndonkam da ka kyrteng Kingston Bolwari. U dei uba ju kam ruh kum u nongtrei monsngewbha bad namar kane, ula ioh ia ka ticket jong ka BJP ban iakhun ia ka elekshon shiteng samoi na Rajabala bad ula shah rem kput bha.

Ki Pulit ki pyntip ba u Kingston u dei ruh u dkhot jong ka seng AHAM kaba la pynkha da u Chairman barim ka GNLA u Champion R Sangma.

Ha kawei pat ka jingjia, ki Pulit ka Ri-lum Garo kila ioh ban pyllait im ia lai ngut ki kynthei ba kynthup ia arngut ki Khynnah rut na ki jaka bapher bapher kiba jah rngai na Shillong bad na West Garo Hills.

Arngut ki Khynnah kila jah na Shillong naduh ka 7 tarik Naitung bad la ioh ban pyllait im ia ki da ki Pulit ka West Garo Hills na Kherapara myn ha ka sngi balang. Ki Pulit kila iohkem ia uwei u briew na ka bynta ban pynlong ia ka jingtohkit. Ia kine ki khynnah la aiti noh sha ki Pulit ka East Khasi Hills.

Iwei pat I Khynnah iba la shah rahbor la laibnai eiei na ki jaka them jong ka West Garo Hills, ila lait im da ka jinglap ki Pulit ba la set ia I hapoh ka shnopng Gomaijora, kaba don ha Phulbari.

Halor kane ka jingjia, ki Pulit kila kem ia arngut ki ba donkti ban rahbor bad u briew uba lamkhmat ia kane ka kam bymman u dei uba la ithuh kum u Samsul Hoque, uba dang phet rieh mynta na ki Pulit.

Share post:

spot_img
spot_img

Popular

More like this
Related

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...

NPP lost Lok Sabha polls in Meghalaya due to State reservation policy, not BJP: MP Kharlukhi

Shillong, June 20: Lone Rajya Sabha MP Dr WR...
spot_img