Shillong, Naitung 04: U Myntri ka tnat Social Welfare u Bah Paul Lyngdoh u la pynpaw ia ka jingangnud ban lum thup ia ki jingrwai (album) ba la thoh, ba rwai bad pyniaid da ki briew kiba don jingduna ha ki dkhot met ne persons with disabilities (PwDs).
“Nga kwah ban ïohi ba ha ka por synshar jong ka Sorkar kaba mynta ngi dei ban lah ban lum thup ia ki jingrwai ba la thoh, la rwai bad tem bad ba pynïaid da ki briew kiba don jingduna ha ki dkhot met ryngkat ka jingkyrshan jong ka tnat Social Welfare” ong u Bah Paul haba kren ha ka jingrakhe Silver Jubilee jong ka State Society for the Implementation of Rehabilitation for Persons with Disabilities (SSIRPD) kaba la long ha U Soso Tham Auditorium.
U Bah Paul u a pynpaw ba ka Sorkar kan wanrah ïa ka kyrdan kaba kyrpang ha ka prokram rwai ba la kyrshan da ka tnat Tourism kaba pynleit jingmut ha ki jingrwai bad ki jingrwai ba la thoh da ki briew kiba don jingduna ha ki dkhot met.
U Bah Lyngdoh uba bat ruh ia ka tnat Tourism u la pynbna ban kyrshan ia ka Eastern Brook Band, ka kynhun tem jong ki briew kiba duna haka bor iohi na Shillong.
“Ngi don hangne ban kyrshan ïa ki nongrwai kum ka tnad jngohkai pyrthei bad khamtam eh haba ïadei bad kito ki briew kiba don jingduna ha ki dkhot met kan long ka jingsngewkmen kaba khraw jong nga ban ai ïa ki, ki jait jingkyrshan baroh kynthup ban pynsuk ïa ki jingleit jngohkai jong ki shabar jong ka Meghalaya sha ki jaka rwai sha kiwei pat ki jaka ha ka ri bad lehse wat shabar ri ruh” u la ong.
“Ngi don hangne ban kyrshan ïa phi bad ban pynshisha sha ka ri baroh kawei ba haba ïadei bad ka Meghalaya, ngim ju ïohi ïa ki PwD kum ki briew kiba ngi sngewsynei ïa ki. Em. Ngi ïaid lait ïa ka jingsngewrit bad sngewsynei ïa ki.
Katkum ka jingong jong u, ka Sorkar ka thmu ban ai mynsiem ia kine ki nongtem lyngba ka jinghikai kam bad ki jingshakri ban pynbha pat ia ki.
U Bah Paul u la kdew ba ki la don lypa ki rynsan kum ka YouTube bad Spotify ha kaba ki nongtem ki lah ban kamai pisa.
U la ong ba ka Sorkar jylla da pynmih iaka ko OTT Platform kawa tip kam ka Hello Meghalaya, ban kyrshan iaki ba don sap.
 ba la thoh, ba rwai bad pyniaid da ki briew kiba don jingduna ha ki dkhot met ne persons with disabilities (PwDs).){kind=link}