spot_img

Dawa ki Engineer ka MeECL ban tohkit bniah ia ka jingbym lah pynmih bording pura ki Power Station

Date:

Share post:

Shillong, Naitung 15: Ka Association of Power Engineer ka Meghalaya Energy Corporation Limited (MeECL) hynne ka sngi Thohdieng, kila dawa ban pynlong da ka jingtohkit kaba bniah bad ban tynrong ia ka jingbahkhlieh ha kito ki briew kiba don bynta ha ka jingbym lah pynmih bording jong ki Power Station ha Jylla.

Hadien ba pyniaid ia ka jingialang jong ka General body, u President ka Association Bah Arju Dkhar ula ong ba ka Jylla ka lah ban pynmih ia ka bording ia palat 350 megawatt hynrei tip na kaei ka daw khamtam ha ka aiom slap, kam shym la lah ban pynkhlain ia ka jingpynmih bording bad dang shen ki Power Station ki treikam tang kumba 30-50%.

“Ngi dawa ban thung ia ka jingtohkit kaba bniah ba balei ba ki Power Station jong ngi kim shym la lah ban pynmih bording kat kum ka jinglah jong ki la bun bun snem. Balei ba ki ki Power Station ba thymmai kila pulom, balei ba ki kor pynmih bording jong ki Power Station ba dang shu pyndait thymmai kim shym ka treikam haba phi la pynlut da ki klur tyngka ban pyndait ia kine ki kor” ong u Bah Arju.

“Hato donkti ki briew jong ngi? Ngi kwah ia ka jingtohkit kaba bniah bha” ula ban jur haba ong ba kum u dkhot ka Association, baroh na ngi ngin lah ban pyndap ia ka iing ka sem katba ka Tnad ka dang im bad dang lah kyrda hynrei shisien b aka Tnad ka khyllem, ka Iing ka sem jong ngi ruh kan sa hap mih sha surok.

“Ta ka daw, lada don ki dkhot jong ngi, lada don ki Heh Ophisar ka MeECL kiba donkti ha ki kam kamai spah shimet ha ka kyrteng jong ka Tnad, ngi dawa ban ai ka jingpynsajia ba tyngeh pyrshah ia ki” ula maham.

U Bah Arju ula ong ruh b aka Association ka dawa ruh ba ym dei shuh ban shim ia ki ram ki shah ki bym donkam.

“Ngi la iohi ba ka jingshim ram kala kot ki klur ha ka nam ban pynkhlain ia ka jingsam bording, jingpynmih bording bad jing pyniaid bording. Hooid, ngi donkam ban pynjanai hynrei ym da ka ram kaba ngim donkam. Shisien ka sngi ngin sa ialam ia phi sha ki jaka ban pyni la ki jingtei bad ki tiar ki tar ki dei kiba donkam hok ne em. Ka por kala dei ba kum ki Nongshongshnong ba don jingkitkhlieh jong ka Jylla, ngi dei ban sdang shuwa nalade ban pynkhuid ia ka jaboh jabain baroh” ula bynrap.

Haba ban jur ia ka jingdonkam ia ka Information Technology Wing kaba pura, ka ban treikam laitluid, une u Nongialam ka seng ki Engineer ula ong “Ka jingdawa jongngi ka long ban don noh mardor ia ka IT Wing ba laitluid hapoh ka MeECL bad ruh ban tehlakam ia ki Engineer khnang ba hapoh ka 1 tarik Iaiong 2025, ngin sa don noh la ka jong ka billing system”.

Ha kajuh ka por, ka Association of Power Engineers kala byrngem ban ujor da ka ejahar pyrshah ia ka jingduna ki nongtrei hapoh ka MeECL.

Share post:

spot_img
spot_img

Popular

More like this
Related

Gherao ki BSF ia ka Umkiang Police Patrolling Post ba shah kem ki shipai jrong kti ia ka Khynnah

Shillong, Jylliew 21 : Ka kynhun ki shipai Border...

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...
spot_img