Shillong, Nailur 16 : U Myntri Rangbah Conrad K Sangma ha ka sngi Ba-ar ula iathuh ba ka Kynhun Myntri kala ai jingmynjur ia ka rta shongthait ba kumjuh kaba long 60 snem ia baroh ki nongtrei regular casual/ casual bad muster roll ha Jylla.
U iathuh ba ka Sorkar kan sa wanrah ia ka jingpynkylla kaba donkam ha ka Meghalaya Regular Casual Workers Scheme, 1996.
U Conrad ula ong ba kane ka rai kan wanrah ia ka jinglong kajuh hadien ka jingbuh rta shongthait kaba iapher na kaei kaba long hashuwa-65 snem ia ki muster roll bad 58 snem ia ki regular casual.
Ban pynthikna ba kan nym don ka jingioh bai bam tynmen ia kine ki kynhun nongtrei, ka Sorkar kalarai ban buh ia ka rta shongthait ha ka rta ba 60 snem ha ka jaka jong ka 58 snem.
