-->

Aiti ka KSU ia ki sakhi video ba lum pisa beain ki Pulit | Shimpor 45 sngi ban tohkit ba dei ki Pulit

Date:

Share post:

Shillong, Naiwieng 16 : Ka Khasi Students ‘ Union (KSU) ha ka sngi Nyngkong, kala aiti ia ki sakhi da ki video sha u Magistrate ba tohkit halor ka jingkynnoh lum pisa beain ki Pulit na ki nongniah trok ha Mawkhanu bad Thangshalai, bad buh jingkylli balei ba ka shimpor haduh 45 sngi ban shim ia ki statement hynrei ki shimkhia mardor ban leh eiei lada dei pyrshah ia ka KSU.

Hadien ba wan na ka hearing bala pynlong da u Additional District Magistrate, u General Secretary ka KSU samla Reuben Najiar ula ong ba ia ka KSU la pynbor ban leh eiei namar ki bor pyniaid ka sorkar kila shu lehklet ia kane ka kam naduh u bnai Jylliew.

“Ha ka 30 tarik Nailur, ka KSU kala leit sha Mawkhanu bad Thangshlai hadien ka jingioh pdiang ia ki jingujpor na ki paidbah ba ka don ka jinglum pisa beain da ki Pulit na ki trok bad ki pickup” ong u samla Najiar. “Ngi lap ba kala mih ruh ha ki kot khubor ha ka 8 tarik Jylliew bad ki nongniah trok ki hap ban siew pisa, na ka bynta u bnai Jylliew haduh mynta, ki bor district bad ki pulit kim shym la leh eiei, kaba pynbor ia ngi ban leit sha kitei ki jaka”.

U samla Reuben ula ong ba ki dkhot ka KSU kila poi sha kitei ki ar jaka ha ka por 3 baje janmiet jong ka 30 tarik Nailur bad ring video ia ki pulit katba ki dang lum pisa hashuwa ban leit kren bad tohkit ia ki.

Advertisement

“Hadien ba ngi leit sha kitei ki jaka, ngi la lap ia ka jingshisha bad ngi dalade ngi la lap ia ki Pulit ba ki lum pisa beain” ula ong . “Shuwa ban leit kren ia ki Pulit ba don ha katei ka jaka, kila lap ia bun tylli ki trok kiba ieng ha katei ka jaka bad hadien ba ki ieng, kila siew mar T.200 haduh T.500 kat kum ka jingheh jong ka trok bad ka mar ba ki kot. Ngi la ioh ring video bad ngi la aiti ia ki ha ka hearing hynne ka sngi”.

Ula iathuh ba ka KSU kala ai ia ka statement ba pura ( jingbatai ba pura ia ka jingjia) bad aiti ia baroh ki video kum ki sakhi na ka bynta ka jingtohkit kaba la khlieh da u ADC ka East Khasi Hills Bah Peter Passah.

U samla Reuben ula iathuh ka khlem leit ujor khnang ia ka ejahar bad ong “Na ka liang jong ngi, ngim kwah ban ujor ejahar namar ngi ong ba ki Pulit kin tohkit ia ki Pulit kan ym don jingmut ia ngi” ula ong “Ta ka daw ngi la thoh sha ka Sorkar ban thung ia ka jingtohkit kaba laitluid. Halor kane, kim shym la leh eiei, hjynrei kila thung ia ka jingtohkit Magistrate bala khlieh da u Bah Peter Passah, ADC ka EKH”.

Ula pynpaw ruh ia ka jingbynniaw halor ka jingpynslem. “Kane ka jingjia kala jia ha ka 30 tarik Nailur, bad kala shimpor 45 sngi ban ai ia ka statement. Ngi shem ba lada dei ba don kano kano ka jingjia pyrshah ia ka KSU, kin wan mardor, hynrei haba poi sha ka jingtohkit ia ka jingleh bakla ki Pulit, ka shimpor ia ki haduh 45 sngi” ula ong.

U samla Reuben ula iathuh ba ka SP, ka East Khasi Hills Bah Vivek Syiem ula kam ba katto katne ki Ophisar kila shah sospon, hynrei ka jingpynshitom ka long kaba da jied bad kaba neh tang shipor.

“Ngi la lum jingtip ba u SP ka EKH, ha katei ka por ula pyntip ba katto katne ki Ophisar bad ki Pulit kiba lump isa beain kila shah sospon” ula ong bad bynrap “hynrei kane ka don arbynta-ka don ka Mawkhanu kaba hap hapoh ka Diengpasoh Outpost bad Thangshalai kaba hap hapoh ka Mawryngkneng Outpost. Kito kiba shah sospon bad shah weng ki dei tang kiba na Diengpasoh, hynrei ngim shym la iohi eiei haba phai sha ka Mawryngkneng Outpost”.
“Kaba sinew shuh shuh ka long,kitp kiba briew ia kiba la ong ba kila shah sospon shipor kila leit trei biang mynta. Ngim sngewthuh ba kumno ki lah ban leit trei biang haba ka jingtohkit kam pat dep” ula ong bad bynrap “Lehse ka lah ban dei ka jingtohkit ba malu mala jong ki Pulit bad lehse ha kane ka jingtohkit ym shym la shem ba ki leh ia kano kano kaba bakla, bad kumta la shah ia ki ba kin leit trei biang ia ka kam”.

U samla Reuban ula iathuh ba ka jinglum pisa beain kam pat sangeh satia wat hapdeng ka jingtohkit. “Ha kine ki khyndiat sngi, ngi la ioh pdiang biang ia ka jingujor ba kane ka jinglum pisa kala iaid beit ha kine ki jaka ha Shillong By-pass bad ha kiwei ki district ruh kumuh ki dang iaid ha kajuh ka rukom” ula ong.

“Na ka liang jong ngi ka KSU, ngi maham bad dawa ia ka Sorkar ban khmih biang ia kane ka kam, namar ka jinglum pisa beain da ki Pulit na ki trok ka pynjynjar ia ki paidbah baroh namar ka wanrah ia ka jingkiew dor ki mar ki mata” ula ong.
“Ngi la thoh man ka por sha ki bor district, sha ki pulit, sha u Myntri, hynrei naba ngim iohi ban don ka jingseisoh, ka seng kan shim da kiwei pat ki sienjam kiba kham tyngeh” ula maham.

Ula dawa ba dei ban pynsted ia ka jingtohkit bad ba ia ki pulit ba kynnoh donkti bad ia ki nongniah trok ruh dei ban khot hajir. “Ha ka jingiakren mynta ka sngi, ngi ong ba dei ban pynsted ia kane ka jingtohkit. Ngi kwah ba naduh nagne shakhmat, ki Pulit kila donkti bad ki nongniah trok ruh ki dei ban shah khot hajir” ula ong.

Haba kylli la ka KSU ka dang kwah ban weng ia u SP, u samla Reuban ula ong ba kan nym don satia ka jingtohkit kaba khuid katba u Ophisar ba shah kynnoh u dang khmih hi ia ka kam. “Kumno ka jingtohkit kan long kaba khuid haba don ka jingkynnoh pyrshah ia u SP?” ula ong. “Lehse na ka liang jong ngi ka dang dei tang ka jingkynnoh, hjynrei ha ka jingsngewthuh jong ngi, ka kam ba ngi leh ha ka 30 tarik Nailur kam dei satia kaba dang thymmai ba ki Pulit kim don jingtip”.

Share post:

-->
spot_img

Popular

More like this
Related

Ropeway has nothing to do with Lum Shyllong, will protect its sanctity: Tourism Minister

Govt with 51 MLAs can't be called useless: Lyngdoh...

Lashai yn bishar u Magistor halor ka jingkynnoh lum pisa beain ki Pulit ha surok NH-Diengpasoh

Shillong, Naiwieng 15: U Majistor ka East Khasi Hills...

Kyrpad ka Sorkar Jylla ia ka JPC ban pynjem ia ki kyndon ka FCRA ba ktah ia ki kynhun Khristan : Tynsong

Shillong, Naiwieng 15 : Ka Sorkar Jylla kala kyrpad...

Khot u Myntri kam jngohkai ia ka JAC ban iakren biang | Wan da ka jingkloi ban sngap ym da ka jingbitar

Shillong, Naiwieng 15 : U Myntri kam Jngohkai Bah...