Shillong, Iaiong 20: Ka Myntri ka tnat ka koit ka khiah ka Dr. Ampareen Lyngdoh hynne ka sngi kala pyntip ba ka tnat kala dep ban phah jingthoh sha baroh ki Deputy Commissioner (DC) ha baroh ka jylla ban bishar bniah haba iadei bad ka jinglong jingman ka suin bneng.
Haba kren sha ki lad pathai khubor ka Dr. Ampareen kala iathuh ba kane ka jingthoh sha ki DC jong ka jylla kadei ruh kum shi bynta ban bthah iaki skul ba kidei ban kiar ban pynlong kino kino ki tamasa ne ki jingialehkai ka ban pynlong iaki khynnah skul ban shah sngi.
Ka Dr. Amapareen kala ong ba naka liang ka tnat kala dep ban phah khang iaki skul ha ki katto katne ki district ha rilum Garo Hills namar la iohi ba ka sngi kala jur bha khamtam ha West Garo Hills bad kane ka buh jingma iaki khynnah skul lada ki shah sngi baroh shisngi.
“Ka tnat kala phah iaki jingai jingmut shaki DC ha baroh kawei ka jylla ba kidei ban phah sha sha baroh ki skul, ba ki khynnah skul kim dei ban shah pynshah sngi, lane ki skul kidei ban kiar ban pynlong ki kynja tamasa ne ki jingialehkai” la ong ka Dr. Amapareen.
Ka Dr. Ampareen kala iathuh ba haduh mynta ka jinglong jingman ka long kaba biang, bad haduh mynta ka tnat kam pat ioh kano kano ka khubor sngewsih ha kaba ki khynnah skul ki shah ktah na ka jingsyllad ka sngi.
Kala iathuh ba ka tnat kala lah ban tem ia kane ka jingshah ktah ki khynnah skul na ka jingshah syllad ha ka sngi, namar ka tnat kala dep ban phah khang ia ki skul ha ki katto katne ki district ka jylla Meghalaya.
