-->

Mynta yn Iaid paidbah ki nongniah bos ba pyrshah ban pynkynriah jaka ieng

Date:

Share post:

Shillong, Naiwieng 18: Ki driver bos hapoh ka shatri Khasi Hills Bazar Bus Association (KHBBA) kin pynlong ia ka jingiaid paidbah mynta ka step ban pyrshah iaka jingthmu ka Sorkar ban pynkynriah noh ia ki na ka jaka ieng kali jong ki ha Iew Mawlong.

U general secretary u Bah Kyrshan Rynjah u la ong ba ka jingiakren bad u Director, ka tnad Urban haka 17 tarik kam shym la lah satia ban pynbeit ia katei ka jingeh.

Advertisement

“Ka tnad Urban ka la khot ia ngi ban iakren, bad ka jingthmu jong ka jingiakren ka long ban pynbeit ia ka jingpyrshah jong ngi. Hynrei hadien ba ngi la poi hangta, ki la ong ia ngi ba ngi dei ban pynlait ia kane ka jaka ieng kali,” u la ong.

“Ngin ieng skhem bad ngin bteng ia ka jingiakhun jong ngi. Ngin iakhun ban ioh ia ka hok jong ngi tad haduh ba ka sorkar kan shim da kawei pat ka lynti,” u la bynrap.

U bah Kyrshan u la iathuh ba ia ka jingiaid paidbah yn pynlong naduh ka jaka ieng Bos Iew Mawlong sha.Motphran bad nangta sha Secretariat ha ka por 11 baje mynstep bad haduh mynta ki dang ap ia ka jingbit na ka ophis jong ka Deputy Commissioner.

“Ngi kyrpad ia baroh ban iasnohkti lang ha ka por 11 baje ha ka jingiaid paidbah kaba jai jai” u la ong.

“Mynta kadei tang ka jingiaid paidbah kaba jai jai lang iasuk, bad lada ka sorkar ka dang iai bteng ban pynbor ia ngi ban mih na kane ka jaka, ngin sa shim da kiwei pat ki sienjam hadien kata,” u la bynrap.

Share post:

-->
spot_img

Popular

More like this
Related

Shillong Chamber Choir marks 25 years with tribute album to late founder Neil Nongkynrih

Shillong, November 18: The Shillong Chamber Choir (SCC) marked its...

Kyntait ka PTVC ia ka jingbuhpor ka Sorkar ban pynkynriah ia ki dukan madan na GS Road-Motphran

Shillong, Naiwieng 18 : Ka Provisional Town Vending Committee...

Kajia Shillong Ropeway | “Ka jingpynsangeh ha shiteng lynti ia ka project kan sa ktah bha” : FSH

Shillong, Naiwieng 18: U President ka Federation of Shillong...