spot_img

Ai jinghikai ki Past Pupil ka Don Bosco ia ki samla halor ki jingktah ki jingdih pynbuaid bad jingpyndonkam ia ki Social Media

Date:

Share post:

Tura, July 23: Ki samla pule kiba rim ne ki Past Pupils jong ka Don Bosco College, Tura kiba dei jong u snem 1997 – 2002 kila pynlong iaka workshop on Career Guidance bad ka Awareness Programme on Substance Abuse and Proper Use of Social Media, ha ka sngi thohdieng na ka bynta ki khynnah pule jong ka St. Stephen Memorial School, Matchakolgre, Tura.

Kine ki Past Pupils kila aiti bad shim iaka jingkitkhlieh halade ban shakri iaka imlang sahlang kat lah kat iai..

Ha kine ki bnai bala dep, ka South Garo Hills kala Shah ktah jur ha ka jingshlei um bad kala ktah bha iaka thain Siju bad Kallu, kine kijuh ki samla pule barim ka Don Bosco kila iatreilang bad noh synniang ia ki marbam mardih, ki jain ki nep bad kiwei kiwei.

La pynlong ia katei ka prokram da kaba phaikhmat ia ka jingdonkam kyrkieh ban iada, pynkylla bad pyllait ia ki khynnah skul na ka jingma jong ki jingdih kiba sniew bad ban pyndonkam bakla iaka social media bad kumjuh ruh ban btin lynti iaki ban ioh iaka lawei kaba phyrnai katkum ka jingangnud ka jongki..

U Police Inspector u Galbraith K Sangma u la kren halor ka jingktah na ka jingdih ia ki jingdih kiba sniew bad ula batai ruh shaphang ka rukom dih kaba pynlong syndon ban kyrni.
U la ai jingbatai ruh ha kaba iadei bad ki ain ki kanun kum ka COTPA, NDPS, Meghalaya Police Act bad kiwei kiwei ha kaba ki briew kiba donkti ha kaban dih ia ki jingdih ne khaii ia ki jingdih kiba sniew ki shah pynshitom katkum ki kyndonain.

U Stevie Jaseng N. Sangma, u la ai jingbatai halor ka Career Guidance, kumno ban pynkhreh ialade haba ialeh iaka Eksam kum ka UPSC, MPSC bad kiwei kiwei ki eksam ha kaban iohkam iohjam.

Ka Deputy Commissioner of Labour, West & South Garo Hills, ka Olivia G Momin, kala ai jing batai kaba bniah ia ki khynnah ha kaba iadei bad ka jingjied ka jongki ban pule haka lain Arts bad kala banjur ruh iaka jingkongsan ban don ia ka jingangnud bad iaka thong haka jingim ban long ki briew kiba seisoh bad kiba don iaka jingkitkhlieh.

Katba u nongseng kam lajong bad u nongpynwan dur sniuh, u Paul Marak, u la kren ha kaba iadei bad ka jingseng kam lajong, katba u Film Producer, Actor, Editor jong ka Hub News bad kiwei kiwei ki YouTube Channel kum ka Kuwatram bad kiwei kiwei, u Simon George S Marak u la kren iaka jingmyntoi bad jingduh jingmyntoi lyngba ka social media bad ula ai nuksa ba u kpa jongu namar ka jingdon sha ka jaka kaba jngai ym shim la iohlad ban iakren bad la ki khun ki kti, hynrei hadien 36 snem ula lah ban iadonlang bad ki da kaba pyndonkam ia ka social media.

Ha ka por ba don ka jingkhangdam namar ka jingsaphriang ka khlam COVID-19 dei lyngba ka jingiarap jong ka social media ba la lah ban pynlong ia ki virtual classes hynrei ha kawei pat ka liang ka don ruh ka jingpyndonkam bakla iaka social media da ki riewshim kabu.

Katba ka Pastor Dolly kala kren iaka jingdonkam ban pynlong iaka met bad ia ka jingmut jing pyrkhat kaba khuid ba suba bad katkum ka ktien u Blei, haka Bible u Blei ula kam ba ka met ka dei ka temple hynrei kane kan shong kan sah tang lada long kiba khuid.

Hadien bala ioh iaka jingai jingbatai kaba bniah, la ailad ruh ia ki khynnah bad samla ban kylli ia ki jingkylli bad la pynlong ruh iaka jingiakob kyntip da ka Neetu N Marak.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img