spot_img

Ioh pyllait ki Pulit haduh 6 ngut ki Khynnah na ktem awria ba pyniaid da u MDC: SP

Date:

Share post:

Phet rieh u MDC ba phah pyndem noh ha ki kti ka Ain

Shillong, Naitung 23: Ki Pulit ka West Garo Hills, kila ioh ban pyllait ia hynriew ngut ki Khynnah na ka ktem awria bala kynnoh long trai da u Vice President ka BJP-Meghalaya bad MDC ka Tura u Bernard N Marak, kaba don ha Edenbari, Tura.

“Ngi la ioh ban pyllait ia hynriew ngut ki Khynnah- saw ngut ki shynrang bad arngut ki Kynthei, kiba la shah setkut ha kawei ka sem kaba jaboh bha jong ka Rimpu Bagan, kaba pyniaid kum ka ktem awria da u Bernard N Marak bad ki paralok” ong u Vivekandand Singh.

Une u Heh Pulit u pyntip ba ia kine ki khynnah baroh la aiti sha ka District Child Protection Officer (DCPO) ban sumar sukher ia ki bad ban shim ruh ia ki sienjam kat kum ka lynti jong ka ain.

Une u Heh Pulit u pyntip ba ki Pulit ka District kila ioh ruh ban kem haduh 73 ngut ki briew na kane ka ktem awria kaba dei ka farmhouse jong une u MDC ka BJP kaba don haduh 30 tylli ki kamra.

Ia kine ki briew la iohkem ha ka jingkhynra bala pynlong hynnin ka miet haduh hynne ka step phyrngap bad ioh kurup ruh haduh 400 bitor ka kyaid bad palat 500 tylli ki condom bym pat pyndonkam.

U Vivekanand Singh u iathuh ba kane ka jingkhynra ka dei halor ka ejahar bala mudui da ki bahaiing jong kawei ka Khynnah kaba la shah pyniaid kam awria jubor ha kane ka farmhouse, kaba la ujor naduh u bnai Rymphang 2022.

Une u Heh Pulit u pyntip ba ki Pulit ka District kila register case ia kane ka jingpynlong ktem awria hapoh ka Tura Women Police Station bad la pynhap hapoh ka kyndon 3/4/5/6/7 jong ka Immoral Trafficking (Prevention) Act, 1956.

“Ngi la ialam tian bishar ia baroh 73 ngut ki briew kiba iohkem na kane ka ktem awria” ula ong haba pyntip “Ngi la phah ktien ruh ia u Bernard (MDC) ba un iatreilang bad ka jingtohkit bad ban leit pyndem noh mardor ialade ha Shillong Sadar Police Station” ula iathuh.

“Hynrei, une u MDC ula kyntait ban ai ka jingiatreilang bad ula phet rieh ban lait na ka jingshah kem haduh ba pynmih ia ka kyrwoh khubor” bynrap une u Heh Pulit.

Share post:

spot_img
spot_img

Popular

More like this
Related

Wankyrmen L Mawphlang & Filinza Hansepi win Shillong 10K Run 2025

Shillong, June 21: Wankyrmen L Mawphlang and Filinza Hansepi...

Jop u samla Wankyrmen L Mawphlang bad Filinza Hansepi ia ka Shillong 10K Run 2025

Shillong, Jylliew 21: U Wankyrmen L Mawphlang bad ka...

Phah ka Iingkashari ia ka Sonam bad u baieid Raj Kushwaha sha ka Judicial Custody

Shillong, Jylliew 21 : Ka Iingkashari ha ka sngi...

Ioh jingithuh ka Ganesh Das Hospital da ka ‘Bronze Quality Certification’ na ka QCI

Shillong, Jylliew 20: Kum ka jingpynshisha ïa ka jingthrang...