Tura, Naitung 24: Uwei u Khynnah ba 14 snem ka rta, ula duh iala ka jingim na ka jingbthei kynsan jong ka Bluetooth speaker kaba u dang charge ne pyndap bording, hala ka jong ka Iingsah ha Baghmara, South Garo Hills.
Kane ka jingjia kala jia hynne ka janmiet sngi U Blei bad une u khynnah u dei uba la tip kyrteng u Jingjang M Sangma uba shong bas ah ha Bolsagre, Baghmara.
Kat kum ka jingiathuh ki Pulit, u Jingjang M Sangma ula ioh ia kane ka Bluetooth speaker na u paralok bad dei ha ka por ba u dang bsuh ha ki thliew tan bording (plug) bad dang pynmeh ban wan ka bording, kynsan kynsan la mih ka jingbthei na ka kamra jong u.
Ki Pulit ki iathuh ba ka jingbthei ka long kaba la jam bha haduh ba une u Khynnah ula her shadien bad mynsaw jur ha ki bynta jong ka durkhmat bad ka kti. Ki iathuh ba une u khynnah ula iap hashen ha kane ka jingjia.
La iathuh ruh ba ka jingbthei kala pynjulor ruh ia bun ki tiar ki tam kiba don ha kane ka kamra jong une u Khynnah bad pynkhynniuh wat ia ka iing baroh kawei.
Ka kynhun ki Pulit kala don mynta ha kane ka Iing ban tohkit ia kane ka jingbthei.
