Shillong, Risaw 18 : U Nongialam ka Congress na West Shillong Constituency lem bad ka kynhun, ki la rai ban leit pyniasoh noh sha ka United Democratic Party (UDP).
Une u Nongialam ka Congress u dei u Bah Auguster Jyrwa, uba bat kum u Adhoc President ka Congress na West Shillong. U Bah Auguster u dei u General Secretary barim ka Khasi Students Union (KSU) shuwa ba un rung sha ka kam sain pyrthei.
Ia u Bah Auguster bad ka kynhun yn pdiang burom da ki Nongialam ka UDP ha ka 20 tarik Risaw ha ka jingialang ka ban long ha Dinam Hall.
