Shillong, Naiwieng 02: U Myntri Rangbah ka Jylla bad National President ka NPP Conrad K Sangma, u la pynthikna ba 3 ngut ki MDC ba mynta jong ka TMC kin wan pynïasoh noh sha ka NPP ha ka 4 tarik mynta u bnai.
“Ngin sa ioh iaki 3 ngut ki MDC ba mynta jong ka TMC, ki ban wan iasoh bad ngi ha ka 4 tarik Naiwieng. Kumta ngin sa ia kren ia kata ha ka 4 tarik, to ngin ia kren ia kaei kaba jia mynta ka sng,” ong u Conrad.
Haba kylli halor ki khubor ba ki MLA ka TMC ruh kin sa rung sha ka NPP, u Myntri Rangbah u la ong, “Hato phi kren na ka bynta jong kita ki MLA?”.
U la pynshai ba kam shym la don kum kata ka jingtyrwa jong ki MLA ka TMC ban wan iasoh bad ka NPP.
“Kam don kum kane ka jingiakren kaba la wan sha nga. To ngin ap bad peit katba ka jinglong jingman ka nang iaid. Mynta hi ka long ba haka 4 tarik Naiwieng, 3 ngut ki MDC jong ka TMC kin wan iasoh bad ngi,” u la bynrap.
