Shillong, Naiwieng 02 : U MP ka Rajya Sabha ka Jylla James K Sangma ha ka sngi Nyngkong ula ong ba ki ain kiba ktah ia ki jaidbynriew bad ka imlang sahlang kin treikam bha lada pynwandur ia ki da ki briew ba ki ktah, haba ka Joint Parliamentary Committee halor ka Foreign Contribution (Regulation) Amendment Bill, 2026 kala sdang ia ka jingwan iasyllok ha Shillong.
Haba thoh ha X, u James ula ong “Nga sngew burom ban iashimbynta ha ka jingialang jong ka Joint Parliamentary Committee halor ka Foreign Contribution (Regulation) Amendment Bill, 2026 ha ka jingwan pynlong ia ka jingiasyllok ha Shillong hynne ka sngi.”.
“Ka Committee kala wan sha Shillong, leit sha Chennal bad Koshi naduh ka 2 tarik haduh ka 4 tarik Naiwieng ban lum ia ki jigmut bad ki jingsngew na ki paidbah haba shong bishar ia ka Bill. Nga sngew nguh ia ka lad ban ioh pynsngew ia ki jingai jingmut na ki kynhun bapher bapher ha Meghalaya bad ka por bad jinglong ba kloi jong ka Committee ba kan sngap bad shimkhia ia ki jingai jingmut” ula ong.
U James ula bynrap “Ki ain kiba ktah ia ki jaidbynriew, ki imlang sahlang bad ki jaka treikam kin treikam bha haba pynwandur ia ki da ki briew ba ki ktah. Nga khmih lynti ba kane ka jingpynlong ia ka jingïasyllok kan long kaba bniah, kaba tei bad kaba don jingmut ha kine ki sngi ban wan.”
