Shillong, Risaw 29 : U Symbud Myntri Rangbah Bah Sniawbhalang Dhar ha ka sngi Palei ula ong ba ka ain kan shim la ka jong ka lynti halor ka jingkhaii tuh ia u dewiong hadien ka jingsuba khaii tuh na ka jingkylla ka trok ha sor Shillong kaba lam sha ka jingdheng kali kaba jur bha.
“Lada long kumno kumno ruh, ka ain kan shim la ka jong ka lynti, la ka long kaba beain, mano mano ba leh bein, ka ain kan leh ia kaba donkam” ong u Bah Sniawbha.
Ha ka sngi Ba-ar, ka President ka CSWO Kong Agnes Kharshiing kala ujor ejahar ha Lumdiengjri Police Station halor ka jingkylla ka trok kit dewiong ha Jaiaw.
