Kangpokpi, Risaw 21: Ki bor pahara ki la kem ïa lai ngut ki briew kiba la suba kaikhlaw bad kurup 8 tylli ki suloi AK bad lai tylli ki bomb improvised explosive devices (IEDs) ha ka jingkhynra ha Kangpokpi District jong ka Manipur ha ka sngi Balang.
Ia kane ka jingkhynra la sdang ha ka por kumba 9.30 baje mynstep da ki briew jong ka 207 Battalion jong ka CoBRA unit, 112 CRPF bad ki pulit ka Kangpokpi ha ka general area jong ka S. Phailengkot.
Katkum ka jingpynbna jong ka jingtreikam, ki bor pahara ki la ioh ban kurup 8 tylli ki tiar ialeh automatic, lai tylli ki IED bad kawei ka tiar pump-action ba la shna hi, kaba la tip kum ka “Pumpi”.
La kem ia lai ngut ki briew kiba la suba ba ki dei ki Kuki ha ka por ba pynlong ia ka jingkhynra.Ki jingtip ba kham bniah la ïathuh ba ki pyni ïa ka jingïadei bad ki dkhot jong ka Kuki National Front–Nehlun (KNF-N), watla dang ap shuh shuh ïa ki jingtip ba bniah.
Kane ka jingkhynra ka long hadien ba la jia ki jingshah pyniap dang shen ha ki thaiñ Khongbal.Kane ka jingleh kaba thymmai ka dei shi bynta jong ka jingpyrshang ban ïada hapdeng ka jingsngewkhia kaba dang ïai bteng halor ki kam thombor ha ka jylla.
Ia mynta dang ap ia ki jingtip ba bniah shaphang ka jinglong jong kito kiba la shah kem bad ki jingjia ha kaba iadei bad ka jinglap ia ki tiar bad ki tiar pynbthei.
