Shillong, Risaw 19 : Haba pynpaw ba kam don satia kano kano ka jingbuh kyndon ban leit iasoh sha ka National Peoples’ Party (NPP), u MLA ka West Shillong bad nongialam barim ka UDP Bah Paul Lyngdoh ha ka sngi Nyngjong ula ong ba ka jingleit iasoh NPP ki lai ngut ki MLA ka long ba shakri kham bha ia ka Jylla.
Hadien ba aiti ia ki kot ki slab a iasoh jong ki lai ngut ki MLA ka UDP- Bah Paul Lyngdoh, Bah Renikton Lyngdoh Tongkhar bad Bah Nujorki Sungoh- sha u Lamphang ka Iingdorbar Thaw Ain Thomas A Sangma, u Bah Paul ula ong “Em, ym shym la buh satia kano kano ka kyndon. Ka dei ka jingpyniasoh khlem kyndon bad ka dei ka jingiarai lang kum ka kynhun ki lain gut kiba iohi ba ka NPP ka ai ia ka rynsan kaba biang tam ban pynurlong ia ka jingshakri kaba ngi kwah ban ai sha ka Jylla”.
Haba kylli la u dang pun ia ka jingbitar pyrshah ia ka UDP, ula jubab, “ Em, ngam bat ia ka jingbitar pyrshah iano iano ruh”.
Halor ka jingkynthoh ba dang shen pyrshah ia u President ka UDP Bah Metbah Lyngdoh, ula ong “Nga la ju ong ha phi ba ngan ai kren tang ia ki jingshisha bad ki jingkhein ym ia ka jingsngew shimet jong nga”.
Halor ki jingiakren ban don ka jingbujli Myntri, u Bah Paul ula ong “Kane ka shong ha u Nongialam, u Myntri Rangbah ka Jylla” bad bynrao ba u Myntri Rangbah u, shym la pyni dak eiei halor kane ka bynta.
Haba kylli la u Bah Metbah Lyngdoh u dang dei ban bteng kum u Myntri Sorkar hadien ba duh noh haduh 11 ngut ki MLA, ula jubab ““Mynshwa phi ia ong ba nga pyrkhat palat ïa u Metbah, hynrei mynta dei ma phi kiba pyni ïa kata ka jingpyrkhat palat ïa u. Ka jingweng ne ka jingpynneh ïa uno uno u briew ha ka kynhun Myntri ka dei tang ka bor bad ka jingkitkhlieh jong u Myntri Rangbah. Kumta kam dei ka kam jong nga ban ai jingkren halor kata.”
Haba kylli balei u la iehnoh ïa ka UDP, u Bah Paul u la ong, “Ym dei tang ma nga, hynrei 11 ngut na ngi ki la iehnoh ïa ka UDP. Ka long kum ka kynhun ïalehkai phutbol kaba pura.
