Sub- Pynbna ban don ka rally paidbah ha ka 5 tarik Risaw
Shillong, Nailur 30 : Haba pynjur ia ka jingdawa ban weng ia u Amit Kumar kum u Advocate General, ki muktiar ha Jylla kila rai ban boycott ne sangeh ia baroh ki kam Iingkashari naduh ka 1 tarik Risaw.
Ka Joint Executive Committee jong ka High Court of Meghalaya Bar Association bad ka Shillong Bar Association kila shim ia kane ka rai ha ka jingialang kyrkieh ba long haka sngi Balang, haba pynpaw ba ka Sorkar Jylla ka khlem lah ban bat iala ka jong ka jingkular.
Ka Committee ka pynpaw ba hadien ka jingialang Joint General Body jong baroh ki bar association ha ka 24 tarik Nailar, kaba la dawa ban weng noh ia u Amit Kumar, u Symbud Myntri Rangbah ha ka 2 tarik Nailur bad u Myntri Rangbah ha ka 16 tarik Nailur, kila kular ba un nym leit mihkhmat ia ka Sorkar hapoh ka Iingkashari.
Wat hapdeng kane ka jingkular, ki Association kila ong ba u Amit Kular u dang iai bteng ban mihkhmat ia ka Jylla hapoh ka Iingkashari Meghalaya High Court bad District Court ha Shillong, bad wat ban mihkhmat hapoh ki Commercial Court ha Shillong ha ka 30 tarik Nailur.
Haba khot ia ka kum ka jingialeh pyrshah ia ki jingkular u Myntri Rangbah bad ka jingbym burom ia ka jingiasngewthuh jingmut bad ki Bar Association, ka Committee ka ong ba kane ka dei ka jingibein ia ka synjuk ki nongsaid ain.
Ki Bar Association kila pyntip ruh ba kin pynlong ia ka rally kaba heh bha ha Shillong ha ka 5 tarik Risaw bad ban sam paidbah ia ki rai bala iashim lang sha baroh ki Bar Association ha Jylla ba kin pyntreikam ia ki.
