Shillong, Nailur 02 : U Nongialam ka Liang Pyrshah Mukul Sangma ula shim ia ka jingiakhih jong ki nongsaid ain ba dawa weng ia u Amit Kumar kum u Advocate General, ka dei ka bym pat ju jia satia ha ka histori ka jylla Meghalaya.
Ka Shillong Bar Association bad ka High Court Bar Association kila dawa ban weng noh mardor ia u Amit Kumar kum u AG.
U Mukul ula ong ba ka Sorkar kala dei ban pynshai iala ka nongrim hapoh ka Iingdorbar Thaw Ain ha ka por ba long ka Dorbar Synrai.
“Ngi la khmih lynti ia ka Sorkar ba kan ai ia ka jingpynshai lyngba ka statement hapoh ka Iingdorbar Thaw Ain” ula ong bad bynrap ba ki rule ka Iingdorbar ki shah ban leh ia kane bad ka dei kaba ju leh na ka por sha ka por.
U iathuh b aula rah iakren ia kane ka kam hapoh ka Rules 55 ban pan ia ki jingtip.
“Ka Sorkar kam shym la lah ban ai ia ka jingtip kaba shai halor ki nongrim ba ka ieng haba iadei bad ki jingeh bala pynsngew da ki bar association bad ki nongsaid ain na kylleng ka Jylla” ula ong.
Ula ong ba kadei ka kamram jong ka Sorkar ban pynbeit noh kham kloi ia kane ka kam.
