Shillong, Nailar 24 : Ki Pulit ka East Khasi Hills, kila kem ia 2 ngut ki briew kiba kynnoh donkti ha kaban shoh dusmon ia ki 4 ngut ki nongtuh kynthup kawei ka Kynthei, kaba la ioh kem ha ka step sngi U Blei na 11 Mer, Mylliem.
Ki Pulit ki dang tohkit ia kine ki arngut ban ioh kem shuh shuh ia kiba donkti ban shim ia ka ain hala ka jong ka kti da kaba pynshitom beain ia kine ki nongtuh.
Kat kum ki video bala saphriang paidbah, la pyni ba ki don napdeng kine ki nongtuh kiba shah pynshitom, da kaba shah shrain ki mat kti bad kjat da u maw ha ki paidbhur hashuwa ban aiti sha ki Pulit.
Ia kane ka case la register ha Mawngap Police Station bad ka jingtohkit mynta ka dang iaid shakhmat.
