Shillong, Nailar 24: Kawei ka taksi Tourist jong ka Meghalaya ka la shah thombor ha ki 3 ngut ki briew ki bym lah ban ithuh ha Bijoynagar, Assam ha ka 23 tarik, ong ka khubor bala pynlait da ka All Garo Hills Taxi Association.
Kane ka jingjia ka la jia ha ka por kumba 3:04 baje janmiet bad ka dei ka kali Maruti Suzuki Ertiga kaba don ia u number ML-13A 8719.
La kynnoh ba arngut ki briew ki bym lah ban ithuh kiba wan da ka arshaka shajan katei ka taksi bad kawang maw ia ka kali bad phet syndon.
La iathuh ba kila don ruh katto katne ngut ki nongniah taksi na Tura bad na Williamnagar kiba iaid lang na Guwahati, ha ka por ba jia katei ka jingjia.
Ha katei ka kali kaba la shah thombor, u don tang uwei u passenger bad ym shym la don kano kano ka jingmynsaw.
Kane ka jingjia ka wan jia hapdeng ka jingïakren hapdeng ka Sorkar Meghalaya bad ka Sorkar Assam halor ki jingeh kiba ïadei bad ka jing kamai ki kali Tourist.
Ka All Garo Hills Taxi Association ka la pynpaw ia ka jingsngewkhia halor ka jingshngain jong ki nongniah taksi bad ki nongleit nongwan bad ka kyntu ruh ia ki bor ba dei peit ba kin peit bniah halor katei ka jingjia.
Ka seng ka la bthah ruh ïa ki nongñiah kali bad ki nongleit nongwan ba kin long kiba husiar bha haba ki ïaid lyngba katei ka thaiñ.
