Shillong, Nailar 19 : Ka bile rally bala pynlong da ka Khasi Students’ Union (KSU) kum shibynta jong ka jingiakhih halor ki 5 tylli ki mat jingdawa, kala kylla man sha ki kam thombor ha ka sngi Balang, kaba lam sha ka jingjulor bun tylli ki kali kham bun ki kali sorkar nalor ka jingshah shoh ki nongiaid lynti ha surok.
Ka KSU kala pynlong ia kane ka rally halor ka nongrim ia kaba ka seng ka kynnoh ba ka Sorkar kala sngap jar jar ia ki mat jingdawa jong ka.
Kawei na ki video bala saphriang na kine ki kam thombor, kala pyni ba ki dkhot ba iaid rally kila ker kut ia ka kali Sorkar ha ka thain Laitumkhrah bad kila bom naphang da ki dieng bad ki maw ban pynjulor ia ka.
Ha kawei pat ka jingjia, kawei ka kali Boleto jong ka Sorkar kala shah wiang ding hapdeng jong ka surok ka thain Mawlai Nongmali.
Kawei pat ka video ka pyni ba ki dkhot ba iaid rally kila lun maw ia ka bos kamai ha ki thain Barik, kaba la pynrit mynsiem ia ki nongleit nongwan kiba don ha kane ka bos.
Ki don ruh ki video kiba pyni ba ki nongiaid rally kila hiar na ki scooty bad shoh ia ki riew paidbah ba iaid ba ieng bad bom ruh da ki siej ba wah lama.
Ki kali kiba shah pynjulor ki long kumne :-
Kawei ka kali escort ki Pulit ba don u nombor ML05-AC-7081 kala shah pynpait ka Iit. Ka kali jong ka National Informatics Centre ruh kala pynpait ka iit ba nadien ha ka thain Barik.
Kiwei pat ki kali kiba shah pynjulor ki kynthup ia ka AS 01ES 8243, AS 11AH 5190, ML 01 5620 bad ka ML 01 A 0966.
Kawei ka pickup ba don u nombor ML05-AD-0925 bad ka trok ka tnad Telecom AS01-P-2707 kila shah pynjulor.
Ha FCI Mawlai, kawei ka kali Sorkar kala shah wiang ding.
Nalor kane, ka Iit jingker jong u mot u Swami Vivekananda ba pynieng ha RRCWS ha u snem 2025 ha RR Colony ruh kala shah pynjulor.
Shuwa kane ka rally, ka KSU kala pynlong ia ka jingiakhih ba shipor hakhmat ka Main Secretariat ha kaba kila wah ia ki banner ba kynnoh ia ka Sorkar ba ka thung briew lajong bad bamsap ha ka thungkam thungjam.
Ki banner kila kynnoh ia ka Sorkar ba jied briew lajong bad bam sap ha ka thungkam thungjam bad dawa ia ka jingthungkam kaba khuid bad ba shai.
“Ngi la pule shitom, ngi la pass hynrei haba kut ka sngi, ia ki kam la ai tang sha kito kiba lah ban thong pisa” ong kawei ka banner.
Shuwa kane, ka KSU kala iaid pynlong ia ki jingialang paidbah ha kylleng ka sor Shillong ha ka 17 bad 18 tarik Nailar hadien ba kut ka jingaipor ba 15 sngi ia ka Sorkar.
Ka KSU kala pynlong ia kane ka rally ban tynjuh ia ka Sorkar Jylla ba kan pyntreikam ia ki 5 tylli ki mat jingdawa ba kynthup ban pynduh pyndam ia ka public hearing ka Shree Cement ba long ha ka 31 tarik Naitung ha East Jaintia Hills, ban pyntreikam pura ia ka MRRSA katbym pat lah pyntreikam ia ka ILP, ban pynbeit ryntih ia ka thungkam thungkam bad kiwei kiwei.
Ki Pulit kila register case lut ia baroh kine ki jingjia bad kila pynkhlain ia ki bor pahara hapoh ka district baroh kawei ban pynthikna ha kaban tehlakam ia ka suk ka sain.
 kum shibynta jong ka jingsdang ka jingiakhih halor ki 10 tylli ki mat jingdawa, kala kylla man sha ki kam thombor ha ka sngi Balang, ha kaba kawei ka kali Sorkar kala shah thang bad bun tylli kiwei pat kila shah pynjulor kynthup ka bos kamai ha kylleng ki jaka ka nongbah.){kind=link}