Shillong, Naitung 13 : Ka Khasi Students’ Union (KSU) ka la dawa ban kem mardor ia uwei u Nurse shynrang ka NEIGRIHMS bad ban leh da kaba tyngeh pyrshah ia kiba kyrshan ia u ha ka case ba kynnoh leh kynshlein ia kawei ka khynnah kynthei kaba dang 15 snem ka rta ha NEIGRIHMS.
Hashuwa kane ka KSU ka la leit ban iakynduh ia u Superintendent of Police (SP) ka East Khasi Hills bad aiti ia ka jingujor ha kaba ia dei bad katei ka jingjia kaba la kynnoh ba ka jia ha ka 4 tarik Naitung 2026.
Ha katei ka shithi, ka KSU ka la kynnoh ba hadien ba la puid namar ka jingpang Appendix, la rah ia katei ka khynnah sha ka kamra Observation Room bad la iehnoh marwei khlem ka nongtrei Nurse kynthei.
“Iaka khynnah la ieh marwei bad u nopngtrei Nurse shynrang uba la thmobor ia ka hynrei kam lah ban pyrta ne pan jingiarap namar kam don bor bas dang shuh shah puid” la ong ka KSU.
Ka ksu ka la ong ba katei ka khynnah ka la iathuh ha la ka kmie ia katei ka jingjia hadien ba la pynkynriah noh ia ka sha Ward.
La ujor FIR ha Mawdiangdiang Outpost ha kane ka juh ka sngi, hynrei ka KSU ka la kynnoh ba kam shym la don kano kano ka jingshimkhia naka liang ki pulit.
“Ki pulit kim shym la shim khia watla ka kam ka long jingjor kaba khia” la ong ka KSU.
Ka KSU ka la kam ba ki pulit ki la leit jngoh ia ka NEIGRIHMS tang ha ka 6 tarik u Naitung hadien ba ka KSU ka la tuklar.
Ka la kdew ruh ba kala don ka jingiakhih ha ka 7 tarik Naitung da ki katto katne ki nongtre I nurse shynrang ban kyrshan ia utei u briew uba shah kynnoh donkti ban thombor iaka khynnah bad la ong ba la ujor biang ka FIR.
Ka KSU ka la kyntu ba dei ban pynrung ia ka Section 17 jong ka POCSO Act haka ejahar ban pynngat kyndon iaki ba kyrshan ia u nongshah kynnoh thombor iaka khynnah.
“Ka KSU ka pynrem ia ka jingbym lah jong ki pulit ban kem ia u briew uba la leh ia kane ka kam. Shuh shuh, namar ba um dei na Shillong, ka don ka lad ba u lah ban phet,” la ong ka ejahar.
Ka KSU ka la bthah ruh ia ka NEIGRIHMS ban sospon ia kito kiba donkti khnang ban iada na ka jingpynthut haka por tohkit ne ioh ki don bynta ban pynjah ia ki sakhi sabut.
U General Secretary ka KSU samla Reuben Najiar u la ong ba u SP u la pynthikna ba ia kane ka kam yn shimkhia bad yn leh sted.
“U SP u la pynthikna ba ki pulit kin pynsted ia kane ka kam. Ki la shim ia ka jingkren jong u ka lanot bad ki nong sakhi, hapoh ar taiew kin sa Chargesheet” u la ong.
U Samla Rueben u la buh jingkylli ruh ia ka NEIGRIHMS halor ka jingbym don ki nongtrei nurse kynthei.
“Ngi la buh ruh ia ka jingkylli sha ka bor pyniaid jong ka NEIGRIHMS ka long. ba balei ba ym shym la don ki nurse kynthei haba la rah ia ka khynnah sha Observation Ward, ka ain ka la bthah ruh ba ka nurse kynthei ka hap ban don ha kano kano ka por ba don nongpang kynthei” u la ong.
Ka KSU ka la ong ba ka la aiti ia ka shithi sha ka NEIGRIHMS ban dawa ba kadei ban shim ka jingkitkhlieh halor kane.
 ka la dawa ban kem mardor ia uwei u Nurse shynrang ka NEIGRIHMS bad ban leh da kaba tyngeh pyrshah ia kiba kyrshan ia u ha ka case ba kynnoh leh kynshlein ia kawei ka khynnah kynthei kaba dang 15 snem ka rta ha NEIGRIHMS.){kind=link}