Shillong, Jylliew 17 : U Symbud Myntri Rangbah ba khmih ia ka District Council Affairs Bah Prestone Tynsong ula kyntait ia ki jingkynnoh jong u CEM ka KHADC ba ka Sorkar Jylla kala bat ia ka song pisa bala mang sha ki Autonomous District Council (ADC), haba pyntp ba ia baroh ki pisa ba dei ban ai lah dep ban siew khuid ha u Lber 2026.
Haba jubab ia ki jingkynnoh, u Bah Prestone ula ong “Nga tharai baroh lai tylli ki ADC kin iaroh ia kawei-ba ka Sorkar, hateng, watla ka rukom sam bhah ba ki dei ban don kam don satia, hynrei ki don ki khep ha kaba ngi la pynlait lypa (advance) ia ki installment sha ki District Council”.
Ula kren shai halor ka pisa ka KHADC. “Haba phi iakren halor ka KHADC, ngan iathuh ia phi kawei :Haduh u Lber 2026 ngi lah dep ban siew khuid lut ia ka pisa jong ki, kumta, ngam iohi ba kan dang sah ka pisa ban hap ai”.
Hashuwa kane, u CEM ka KHADC ula kynnoh ia ka Sorkar Jylla b aka pynslem ban pynlait ia ka song pisa jong ka Council.
