Imphal, Jymmang 21: Ki bahaïing jong ki 6 ngut ki shynrang Naga kiba la shah rahbor ha ki suba lehnoh Kuki na District Kangpokpi jong ka jylla Manipur ki la kyrpad sha ka sorkar bad ki kynhun kieng atiar ban pyllait noh mardor ïa ki khlem kano kano kano ka jingmynsaw.
La kynnoh ba kitei ki 6 ngut ki la shah rahbor ha ka 13 tarik Jymmang na Kangpokpi district hadien ka jingwan ban ambush ba shyrkhei ha Kotlen.La iathuh ba kitei kitei ki briew, ki dei kiba la shah rahbor na ka shnong Leilon Vaiphei bad ki don hapdeng ka kynhun jong ki riew paidbah, kiba don 18 ngut ki Naga.
Ha kajuh ka por, ki bor pahara ki la pynlong ia ka jingkhynra ban wad bniah bad ban ioh pyllait im ha kylleng ka Manipur.
Katkum ka jingïathuh jong ki bahaïing bad ki nongshah pyllait, katei ka kynhun ka kynthup ïa ki kynthei, ki shynrang bad uwei u khyllung.Katba baroh ki kynthei kiba shah rahbor bad u khunlung ki la pyllait noh naduh katei ka por, hynriew ngut ki shynrang ki dang jah rngai.
Uwei na ki nongshah rahbor uba la shah pyllait u Dingamliu Abonmai u la kynnoh ba katei ka kynhun ka la shah bat ha ka por ba ki dang thmu ban rung sha Leimakhong Konsa Khul kaba don hajan ka shnong Leilon Vaiphei.
U la kam ba la pynsangeh ia ki da ki briew kiba don tiar, kynthup ia ki shynrang bad kynthei, shwa ban pynbor ia ki ban kiew ha ka kali bad kumta hi la rah noh bak ia ki.
Ha ka sngi Balang (20 Jymmang), ka Naga Women Union (NWU) jong ka Manipur ka la pynlong ïa ka jingïakhih da kaba shong kyllain mungor ha Tribal Market ha New Checkon ha Imphal East district, da kaba dawa ba dei ban pyllait suk noh ïa ki 6 ngut ki shynrang Naga kiba la shah rahbor kiba la kynnoh ba ki dei kiba la bat da ki lehnoh Kuki.
Hadien katei ka jingiakhih shong kyllain mungor, la bud sa ki jingiakhih kaba kumjuh, ha kylleng ki jaka ba shong ki Naga ha Manipur, kynthup ia ka Senapati, Noney, Ukhrul, Kamjong, Churachandpur, Chandel bad Tamenglong.
