Shillong, Jymmang 20 : U Myntri ka Tnad Public Health Engineering (PHE) Marcuise N Marak ha ka sngi Balang, ula ong ba tang “khyndiat eh” ki contractor trai shnong ha Meghalaya kiba lah ban pynbiang kat kum ki kyndon ‘technical’ bad ‘jingshemphang’ ban pyntrei ia ki project turnkey (ka project ba pynwandur, pyntrei bad pynbiang nadong hadong da ka kompani) bad EPC (Engineering, Procurement & Construction) kiba heh, haba kyntait ia ki jingkynnoh ba ka Tnad kala shu jied paralok ia ka kompani na Hyderabad ban pyntrei ia ki kam ba T.1,900 klur.
“Ha ka 18 tarik Jymmang, Nga la iohi ha kot khubor kaba ong ba ka Tnad kala aiti ia ka kompani na Hyderabad ba kan pyntrei ia ka project ba T.1,900 klur. Nga kwah ban ong ba kane ka dei kaba bakla pura” ong u Marak haba iakren bad ki nongthoh khubor.
“Ka Tnad PHE kala bud ia baroh ki kyndon kiba hap ban bud khamtam haba rai ban ai ia ka kam contract shano shano ruh” ula ong.
Ula ban jur ba ka Tender Committee ba iadonlang ki Tnad bapher bapher kila peitbniah bha ia baroh ki kam contract. ‘Ka don ka Tender Committee ruh bad la khlieh da u Commissioner & Secretary ka tnad PHE bad kiwei ki Ophisar na ka Tnad Finance bad Tnad Law. Kumta, ia baroh ki kyndon la hap ban bud bad ngim ju shah shiliang iano iano ruh” ula ong.
U Myntri ula pynshai ia ka jingiar jong ka Jal Jeevan Misson ha ka Jylla bad ong ‘Ka jingpynlut baroh jong ka JJM ka long T.6737.409 klur kaba kynthup ia 3762 tylli ki standalone scheme bad ki kyndon ban pynpoi ia ki pipe um sha ki skul, anganwadi centre bad kiwei ki jaka treikam paidbah. Ia kane la iasam hapdeng ki contractor trai jylla bad kompani”.
U Marak u la pynshong nongrim ia ka jingai ïa ki contract kiba heh sha ki kompani nabar namar ki hukum jong ka Sorkar India bad ka jingduna ka bor treikam jong ki contractor trai jylla na ka bynta ki kam kiba jynjar.
“Ki project ba heh kum ka JJM, JICA, AMRUT 2.0, NESID etc, kine ki hap ban khot tender kat kum ka jingbthah jong ka Sorkar India. Katto katne na ki la ai ha ka dur jong ka turnkey (ka project ba pynwandur, pyntrei bad pynbiang nadong hadong da ka kompani) bad katto katne pat lah ai da ka EPC” ula batai.
Ula ong ba ka Jylla ka hap ban bud ia ki kyndon jong ka Sorkar Pdeng. “Ki project kiba heh jong ka JJM, JICA, AMRUT lane kano kano ruh, ki dei ki project ba la bei pisa da ka Sorkar India bad ki kyndon ki dei kiba hap ban ai da ka turnkey lane da ka EPC. Kumta, ngi hap ban iaid kat kum ki kyndon bala buh da ka Sorkar India”.
Haba pynshai ia ki jingkynnoh kiba mih na ka RTI, u Marak ula ong “Ka bha eh ba phi lah pan ia ka RTI bad phi la pule bniah ia ka……hynrei hadien ba ioh ia ka kaiphod, lada phi shu sdang beit beit ban kynnoh khlem da tip bniah, kane ka dei kaba bakla shibun eh”.
 Marcuise N Marak ha ka sngi Balang, ula ong ba tang “khyndiat eh” ki contractor trai shnong ha Meghalaya kiba lah ban pynbiang kat kum ki kyndon ‘technical' bad ‘jingshemphang’ ban pyntrei ia ki project turnkey (ka project ba pynwandur, pyntrei bad pynbiang nadong hadong da ka kompani) bad EPC (Engineering, Procurement & Construction) kiba heh, haba kyntait ia ki jingkynnoh ba ka Tnad kala shu jied paralok ia ka kompani na Hyderabad ban pyntrei ia ki kam ba T.1,900 klur.){kind=link}