Shillong, Naiwieng 08 : U Myntri Rangbah ka Jylla Conrad K Sangma ha ka sngi U Blei, ula iasnohkti lang bad ki hajar ngut ki riewngeit Katholic ha ka Eucharist Procession ba man u snem jong ka Shillong Archdiocese, ka jingialang ba kyntang ban pyndem ha ki jingduwai, kaba pyni ia ka jingaiti lut ha ka jingngeit.
Haba thoh ha X, u Myntri Rangbah ula iasam ia ki dur na ka Holy Mass bad pynpaw ia ka jingsngewkmen halor ka jingdon lang u Eminence Filipe Neri Ferrão.
“Nga la ïashim bynta ha ka Holy Mass jong ka Annual Eucharistic Procession jong ka Shillong Archdiocese, ha kaba ki riewngeit ki la ïa snohkti lang ha ka jingduwai bad ban pyrkhat,” la ong u Sangma.
“Nga sngewkmen ba iadon lang u Eminence Cardinal Filipe Neri Ferrão, uba la wan ban kyrkhu ïa ngi mynta ka sngi. To ai ba U Blei un kyrkhu ïa ki briew baieit jong ngi bad ïa ka Jylla kaba itynnad jong ngi,” u la bynrap.
U Symbud Myntri Rangbah Bah Prestone Tynsong, bad MP barim ka Shillong Bah Vincent H. Pala, ki la ïashim bynta lang ha kane ka prokram.
Kane ka procession kaba ju pynlong man la u snem ka dang long kawei na ki jingïalang niam kaba heh tam ha ka nongbah Shillong, kaba lum lang ïa ki riewngeit ban pynpaw ïa ka jingïatylli ha ka jingngeit.
