Shillong, Jymmang 18 : Ka Drug Reduction, Elimination and Action Mission (DREAM) kala sdang ia ka survey kaba bniah ha ka Jylla halor ka kam dih droks, da ka jingthmu ban lum ia ki jingkhein halor ka jingdon, ka rukom long bad ka jingktah jong ka jingdih droks ha kylleng ka Meghalaya ban lah wanrah ia ka policy kaba pynshong nongrim kat kum ki sakhi.
Kane ka sienjam ka bud ia ka Memorandum of Undertanding (MoU) bala iasoi hapdeng ka DREAM Mission bad ka Sankardev College ha u bnai Nohprah 2025.
Ka survey ka thmu ban lum jingkhein bad ki jingtip haba iadei bad ka jingdon ki nongdih droks, bad ka jingktah jong ka jingdih droks ha kylleng ka Jylla Meghalaya, ka ban iarap ia ka Sorkar ban kan thaw ia ka policy bad pynkhlain ia ki lad jingiada, jingsumar bad ki buit ai jingiarap.
Kane ka jinglum jingkhein ka long kongsan bha namar ki jingtip kiba iapher bad ba ialong mar khongpong kiba don mynta haba iadei bad ka jinglong jingman ba mynta bad ka jingdon ki nongdih droks hapoh ka Jylla.
Ka survey kan sdang kum ka pilot project ha Shillong hashuwa ban pyniar sha kiwei pat ki bynta jong ka Jylla.
Hadien ka jingioh pdiang ia ki jingbit kiba donkam, ka survey kan sa sdang hi noh shen.
Ia ka survey la ot ribbon ha ka sngi Nyngkong da u Director ka DREAM Bah Francis Kharshiing ha Sankandev College ha ka jingiadonlang ka Principal Dr Eureka FP Lyngdoh, Vice Principal K Chyne, ki nonghikai bad ki nongmihkhmat jong ka DREAM Mission nalor ki dkhot ka Meghalaya User’s Forum (MUF) bad ka Meghalaya Drugs Users Network (MeDUNET).
Hba ai jingkren, u Bah Kharshiing ula ong “Kane ka sienjam ka pyni ia ka jingkut jingmut hok jong ka Sorkar ha kaban leh eiei pyrshah ia ka jingdih droks lyngba ka jingpeit bniah jong ka stad saian, ka jingwad bniah, bad ka jingthaw polisi kaba bniah.”
Ula bynrap “Ki jingkhein bala lum lyngba ka survey kin shim ia ka bynta kaba kongsan ha kaban pynkhlain ia ki sienjam ban shim hadien habud bad ban pynkhlain ia ki lad ki lynti ban tem hapoh ka Jylla.
U Mission Director ula ong ruh ba ka “ Ka lynti ba iohi jngai jong ka Sorkar ha kaban leh eiei ia u droks ka dei ia kaban hap ai jingiaroh, khamtam ia ka jinglong nongialam u Myntri Rangbah Conrad K Sangma, uba la wanrah ia ka DREAM Mission”.
Ka DREAM Mission ka pynpaw ia ka jingsngewnguh ia ka Sankarden College bad E Tariang, Head of Department, Statistic, u ban iarap ia ka survey.
 kala sdang ia ka survey kaba bniah ha ka Jylla halor ka kam dih droks, da ka jingthmu ban lum ia ki jingkhein halor ka jingdon, ka rukom long bad ka jingktah jong ka jingdih droks ha kylleng ka Meghalaya ban lah wanrah ia ka policy kaba pynshong nongrim kat kum ki sakhi.){kind=link}