Shillong, Jymmang 04 : Ka Meghalaya Schools Welfare Development Association (MSWDA) kala aiti ia ka jingtyrwa sha u Symbud Myntri Rangbah ka Jylla Bah Prestone Tynsong ba kyrpad ban ai jingkyrshan song pisa bad ka grant-in-aid sha ki skul Secondary bad Higher Secondary ha ka Jylla.
Ha ka dorkhas, ka Association kala pynpaw ia ka jingsngewnguh naduh ka mynsiem ia ka jingkular u Bah Prestone bad ka jingsngewkhia ba ula pyni halor ki jingeh ba iadei bad ki skul Secondary bad Higher Secondary.
Kala kdew ia ka jingkren u Bah Prestone ha ka jingialang ba long ha ka 1 tarik Jymmang ha Madan Student, Jaiaw, haba pynpaw “Ngi sngewnguh shisha ia ki jingkren jong phi…..kaba la ai jingkyrmen biang bad ka jingai mynsiem ia baroh ki kynhun ba don bynta ha ka kam pule puthi”.
Ka MSWDA-CB kala pynpaw ba kala ai jingmut ha ka dorkhas bala aiti ha ka 13 tarik Iaiong 2026, ba na ka bynta ki skul Secondary “dei ban buh hakhmat eh ia ki skul ba kynjoh ia ka 50% ne palat ha ka jingpass ki khynnah ha ka result SSLC naduh u snem 2019 haduh 2023, kumba la batai bniah ha ka thup bala tyrwa da ki DSEO”.
“Ia ki jingtip ba thymmai halor ka jingdon ki skul Secondary bad Higher Secondary yn sa aiti sha ka Sorkar hadien ba ioh pdiang ia ka jubab na baroh ki District School Education Officer (DSEO)” ong ka dorkhas.
Ka Association kala kyrpad ia u Bah Prestone ba un iakren lem ia kane ka kam bad u Myntri Rangbah bad ban pynbeit ruh ia ka jingialang bad ka Association lem bad ka Tnad Education ban iakren bad iakhmih ia ki lad ki lynti kumno ban weng ia kino kino ki jingeh ba iadei bad kane ka jingtyrwa”.
 kala aiti ia ka jingtyrwa sha u Symbud Myntri Rangbah ka Jylla Bah Prestone Tynsong ba kyrpad ban ai jingkyrshan song pisa bad ka grant-in-aid sha ki skul Secondary bad Higher Secondary ha ka Jylla.){kind=link}