Shillong, Jymmang 4: Ka Meghalaya kala pynbna ia ka kyrteng jong ki 18 ngut ki rang ialehkai Football kaban ialam da u Coach u Jeffrey Warlarpih ha ka Swami Vivekananda U-20 Men’s National Football Championship 2026, kaban long ha Narainpur, Chhattisgarh.
Ka Meghalaya kala ngat ha ka Group A kaba don ki kynhun kiba kynthup ia ka Bihar, Andhra Pradesh, Rajasthan bad Jharkhand.
Ka Meghalaya kan iakhun nyngkong eh pyrshah ia ka Bihar ha ka 9 tarik u Jymmang.
Ka Meghalaya kala rem noh ha ka Semifinal ha u snem 2024 bad ka rukom ialehkai kala sdang ban kiew bha bad ki rang ialehkai ki don ia ka jingthrang ba kin nang kiew shaphrang shuh shuh mynta u snem.
Hynne ka sngi Nyngkong, ka Meghalaya Football Association kala pynlong ia ka jingialang ban kitbok kitrwiang ia kane ka kynhun ialehkai shwa ba kan mih noh na ka jylla, ha kaba la ioh ia ki kyntien na u General Secretary ka MFA u Bah Sunesh Syiem, u Vice-President u Bah Cliff Nongrum bad kiwei kiwei ki dkhot kiba la rangbah kiba kynthup ia u Bah Dipshon L Nongbri bad u Bah Freddy Kharpran.
Ka kynhun ialehaki ka Meghalaya:
Goalkeepers: Jovialstar L Lyngkhoi, Kangkam G Momin
Defenders: Bipiush G Marak, Damitre Kynjing, Imeral Jana, Pynshailang L Nonglait, Shemkupar Massar, Defender Sylliang
Midfielders: Phermanbha Lyngdoh, Sholinstar Syngkli, Gerald Ebenezer Kharbyngar, Menangpyndap Khongjee, Dawansalanmi Malang
Forwards: Mebanlamlynti Masharing, Alex Manar, Ryan Gibbs Kharnaior, Samborlang Langte, Banganson Nongphlang
Support Staff: Jeffrey Warlarpih (head coach), Khrawbok Syngkli (assistant coach), Amit Rai (manager), Banisha Lapasam (physio)
Meghalaya vs Bihar, ha ka 9 tarik u Jymmang
Meghalaya vs Jharkhand, ha ka 11 tarik u Jymmang
Meghalaya vs Andhra Pradesh, ha ka 13 tarik u Jymmang
Meghalaya vs Rajasthan, ha ka 17 tarik u Jymmang
