Nongstoin, Iaiong 21 : U Kyllang ula syllad naphang ia ka shnong Mawlangbah ha ka step phyrngap jong ka sngi Ba-ar, bad pynjulor haduh khathynriew tylli ki Iing, kaba lam ruh sha ka jingmynsaw haduh saw ngut ki briew.
Na kine ki Iing, ka iing jong u Bah Karmelius Lyngdoh bad ka Kong Bisdalin Kharbani, kila pra lut phom na ka jingkyndang jong u Kyllang.
U Bah Karmelius Lyngdoh bad ka Kong Bisdalin lem bad arngut ki Khun, kila mynsaw ha kane ka jingjia bad la pynkit noh mar mar ia ki sha Nongstoin Civil Hospital ba kin ioh ia ka jingsumar bap aka.
U nongthoh khubor ka Shlem haba ioh jingtip ia kane ka jingjia, ula hiar mar mar sha katei ka shnong bad lap ba u Kyllang ula pynjulor klai bha ha kane ka shnong.
Ki jingpynjulor ki kynthup ia ka Iingmane ka Balang Presbyterian, ka Iingskul jong ka Lower Primary, ka ICDS bad ki iing briew.
Nalor kane, bun tylli ruh ki port eletrik kila kyllon bad ki sainar kila dkut bad hap ha madan.
