Shillong, Iaiong 21 : U Symbud Myntri Rangbah ka Jylla Bah Sniawbhalang Dhar ha ka sngi Ba-ar, ula kynthoh ba ka jingthmu pynlong rally ka liang pyrshah Voice of the People Party (VPP) halor ki kam kynthup ka project dewlynnong Lumpongdeng ka dei kaba la pynlong ban ialap na ka bynta ka elekshon shiteng samoi ka Shillong Lok Sabha.
“Ka rally paidbah jong ka VPP ka dei namar ba kila sdang ia ka jingialap na ka bynta ka elekshon shiteng samoi ka Shillong Lok Sabha. Ngi ruh ngin sa sdang noh ia ka jingialap elekshon lehse ha u bnai ban wan” ong u bah Sniawbhalang haba iakren bad ki nongthoh khubor.
Haba kdew ia ka rai jong ka Sorkar Jylla ban pynlait noh ia ka dewlynnong Lumpongdeng na ka project Taj Resort & Spa, ula ong “Ka jingkren u Symbud Myntri Rangbah Bah Prestone Tynsong bad Myntri Sorkar Bah Wailadmiki Shylla kala shai bha bad ka dei kumne hi naduh kaba sdang”.
Haba kylli la ka VPP ka pynkylla sohpdung ia ka NPP, u Bah Sniawbha ula ong “Em, ka dei ka kamram jong man ki seng sain pyrthei ban ialap na ka bynta ka elekshon shiteng samoi, hynrei lehse ki kwah ban pyndonkam ia kane ka mat kum ka mat ialap elekshon, kane hi ka shong ha ki”.
Halor ka jingtyrwa jong u ban pynkynriah noh ia ka 5-Star Hotel na Umiam sha Wahiajer lada ki briew ki pyrshah, ula ong “Phi iohi, ngi long kiba pdiang beit ia ka roi ka par. Mynta naba ka Sorkar kala sngap ia ka sur jong ka Synjuk ki Rangbah Shnong ka Ri-Bhoi District….ngi (Sorkar) la pynbeit ia kane ka kam”.
 halor ki kam kynthup ka project dewlynnong Lumpongdeng ka dei kaba la pynlong ban ialap na ka bynta ka elekshon shiteng samoi ka Shillong Lok Sabha.){kind=link}