Shillong, Iaiong 21 : U Symbud Myntri Rangbah Bah Sniawbhalang Dhar ula iathuh ba ka National People’s Party (NPP) kala pynkhreh bha ialade na ka bynta ka elekshon shiteng samoi ka Shillong Lok Sabha bad shen ka party kan sa shim rai ia u/ka kyrtong ban mih aireng.
“Ngi la pynkhreh bha ialade” ong u Bah Sniawbhalang haba iakren bad ki nongthoh khubor ha ka sngi Ba-ar haba kylli halor ka jingpynkhreh jong ka NPP.
Halor u kyrtong ka party, ula ong “Ngin dang ban shim rai. Ngin sa khot ia ka jingialang bad sa shim ia ka rai mano ban long u/ka kyrtong jong ngi. Shen phin sa tip mano ba dei”.
U Bah Sniawbha ula pyntip ba ka jingslem ka dei namar ka jingdon bun kiba pan ticket. “Katto katne ngut kila aiktien sha ka party. Ta ka daw kala shim katto katne ka por ia ngi ban pynbna ia u/ka kyrtong” ula ong.
Haba kylli lada ka rai jong ka BJP bad kiwei ki paralok ban pynieng iala ki kyrtong kan ktah ne em ia ka NPP, ula ong “Em, kan ym ktah namar kila mih ban iakhun haba pynshong nongrim ha ka jingdon ki vote bank. Kane kan ym dei sati aka jingeh. Lehse ka UDP kan buh, lehse ka BJP kan buh, lehse ka HSPDP kan buh. Kan ym don u ne ka kyrtong iamonlang. Ngin iakhun hi dalade”.
Halor ka jingjied ia u MPA Rajya Sabha, u Bah Sniawbha ula ong “Ngin dang ban shim rai ia kane. Ka party kan sa iakren ia kane ka kam bad kan sa iarai lang halor kane”.
 kala pynkhreh bha ialade na ka bynta ka elekshon shiteng samoi ka Shillong Lok Sabha bad shen ka party kan sa shim rai ia u/ka kyrtong ban mih aireng.){kind=link}