Shillong, Naiwieng 19 : U Chief Secretary ban sa shongthait noh ka Jylla Shakil Ahammed un sa shimti kum u Chief Commissioner ka Meghalaya State Public Service Delivery Commission.
Ka kynhun Myntri ha ka sngi Palei kala mynjur ia kane ka jingthungkam ia u Shakil Ahammed, iathuh u Myntri Rangbah Conrad K Sangma hadien ka jingialang.
Kane ka shuki kala lait thylli hadien ba u Chairman ba hashuwa, MS Rao, ula shongthait noh hadien ba ula pyndep ia ka samoi treikam kat kum ki kyndon ka Commission.
Ka Selection Committee ki arngut ki dkhot-ba kynthup ia u Myntri Rangbah bad Symbud Myntri Rangbah Bah Prestone Tynsong, kila tyrwa ia ka kyrteng u Shakil Ahammed ban shimti ia kane ka kam.
U iathuh ba ia kane ka jingtyrwa la wanrah hapoh ka jingialang ka kynhun Myntri ha ka sngi Palei bad kala ioh ia ka jingmynjur.

