Guwahati, Iaiong 17: Ka jingpynkynriah iaki briew ha ka thain Runikhata kaba don hajan khappud ka India bad ka Bhutan ka la wanrah pynban ka jingkulmar hadien ba ki jaidbynriew Adivasi kila ieng ialeh pyrshah iaki nongtrei ka tnat Forest.
Kala mih ka jingkulmar hadien ba ki nongshong shnong kynthup ïa ki kynthei ki la pynlong ïa ki jingïakhih ban dawa ban pyllait noh ïa ki katto katne ki briew kiba la shah kem halor ka jing kynnoh ba ki kyntur pud haki bynta jong ka khlaw (Reserve Forest).
La iathuh baka jingiakhih ka la nang jur hadien ba ki paidbah kila kerkut iaka Forest Range Office haka mot mynmiet kaba lam shaka jingia nia hapdeng ki Ophisar bad ki paidbah.
Ïa kane ka jingïakhih la pynlong da ka All Adivasi Students’ Association (AASAA) bad ka All Santal Students’ Union (ASSU).
La kynnoh ba ki nongïakhih ki la pynjulor ïa ki kali jong ka tnad Forest bad ki la pyrshang ban thang ïa ka ophis, kaba la pynmih ïa ka jingkulmar kaba jur.
“Uwei u pulit u la mynsaw, katba uwei pat u la mynsaw ha ka jingshah kawang maw. Ki Ophisar ka tnat Forest ki la kem ia 25 ngut ki briew ha ka por ba pynkynriah ia ki nong shong shnong” la ong uwei u heh pulit.
Ha kajuh ka por, la phah shuh shuh ïa ki bor pulit sha katei ka jaka ban tehlakam ïa ka jingkulmar.
