Shillong, Iaiong 17 : Ka Jaintia National Council (JNC) Western Zone ha ka sngi Thohdieng, kala aipor arbnai ia ka tnad Public Health Engineering ba kan leh eiei halor ka jingkynnoh trei tang dep rukom ia ka skhim Jal Jeevan Mission (JJM) ha West Jaintia Hills district, lem kumta kan shim ia ki sienjam kiba tyngeh.
Kane ka jingaipor kala wanjia hadien ba ka kynhun ba ialam da u President ka JNC Western Zone Hamehi Bamon, kala iakynduh ia u Executive Engineer ka Electrical Division bad u Executive Engineer jong ka Civil Division.
U Bamon ula pynpaw ba hadien ka jingioh pdiang ia ki jingujor na ki nongshongshnong, la shem ba bun tylli ki shnong kila dep pyntrei ia ki top lum bad siang pipe, hynrei ka project kala sangeh khlem ka jingpynpoi um sha ki longiing.
“Kaei kaba long ba man kala pynbitar ia ki nongshongshnong bad ka Council naba bun ki jingtrei la shu ieh khlem ka jing pynpoi um, kaba shu sah khongreng tang ka phrame khlem ka jingiaid ka um” ula ong.
“Watla katto katne ki shnong kila ioh jingithuh da ka Tnad ba kila pyntreikam ia ka project, hynrei ka rukom pyntrei ka paw ba kam I don jingmut bad kam lah ruh ban ai jingmyntoi ia ki shnong ki thaw”.
Ka Council kala kam ba tang shiliang ki kam kila dep trei. Ka kdew ba hapoh ka Jal Jeevan Mision, tang 25% na ki kam lah dei ban pyntrei, kaba pynsngewkhia shibun halor ka jinglah ban pyndonkam bakla ia ka pisa bad ka jingkhein sting jong ka Tnad haba iadei bad ka hok jong u paidbah.
Ka JNC kala dawa ia kine ki Executive Engineer ba kin shimkhia haka ban pynthikna ia ka jingpynpoi um sha baroh ki shnong bad ki jaka ba duna ka umbam umdih kaba biang bad kiba ka rukom sam um kim treikam bha,” ong ka JNC.
U Bamon ula pyntip ba ki Heh PHE kila kular ia ka Council ba kin sa leh eiei noh mardor ha kine ki khyndiat sngi ban wan bad ban hiar jurip ia ka jinglong jingman ha kine ki shnong, khamtam ha kito ki jaka kiba ka um ka poi sha ki longiing lane bym sam um na ki top.
“Ka Council ka ai jingmut ia ka Tnad ba kan leh eiei halor kane ka jingujor hapoh ka arbnai” ula ong.
 Western Zone ha ka sngi Thohdieng, kala aipor arbnai ia ka tnad Public Health Engineering ba kan leh eiei halor ka jingkynnoh trei tang dep rukom ia ka skhim Jal Jeevan Mission (JJM) ha West Jaintia Hills district, lem kumta kan shim ia ki sienjam kiba tyngeh.){kind=link}