Shillong, Iaiong 14 : Ka Sorkar Jylla kan sa shim rai ia ka elekshon Garo Hills Autonomous District Council (GHADC) hadien ba pyndep ia baroh ki kam ba iadei bad ka jingpynbeit thymmai ia ki constituency.
Haba pyntip ia kane ha ka sngi Ba-ar, u Symbud Myntri Rangbah ba khmih ia ka District Council Affairs Bah Prestone Tynsong ula ong “Ka jingpynbna kala mih ha kaba la thung ia ka delimitation committee bad ka dei ka kamram jong kane ka committee ban pyndep ia ka kam bala bynshet ha kaban pyndep ia ka jingpynbeit constituency”.
“Hadien bala dep kane, ka Iingdorbar kan sap hah ia u Lat ka Jylla ban ai jingmynjur. Hadien kane, ngin sa lah ban iathuh ia phi ba lano ngin pynlong ia ka elekshon” ula ong.
Haba kylli la ka Sorkar kan ap ia ka Special Intensive Revision (SIR) jong ka Electoral Roll, u Bah Prestone ula ong ba kane kam da donkam ia mynta.
“Ka SIR kam hap hapoh ka jingkhmih jong ka Sorkar Jylla, ka dei ia kaba hap leh da ka Election Commission of India” ula ong haba bynrap “Ha kano kano ka por ba wan ka hukum, ngi long kiba la khreh naka bynta ka SIR”.
Ia ka elekshon GHADC la pynjlan hadien ka jingiakhih bad jingkulmar ha ri-lum Garo namar ka jingioh iashimbynta ki bar jylla ban long ki kyrtong bad thep vote ha ka elekshon ka GHADC.
 hadien ba pyndep ia baroh ki kam ba iadei bad ka jingpynbeit thymmai ia ki constituency.){kind=link}