Shillong, Iaiong 14: Ka National People’s Party (NPP) shen kan sa rai ia u kyrtong na ka bynta ka elekshon shiteng samoi jong ka MP Lok Sabha na Shillong Constituency.
“Na ka liang jong ka seng, ngi lah rai ban pynieng kyrtong na ka bynta ka elekshon shiteng samoi jong ka MP Lok Sabha na Shillong Constituency” ong u President ka NPP Meghalaya bad Symbud Myntri Rangbah ka jylla Bah Prestone Tynsong hynne ka sngi baar.
Haba kylli mano ban dei u ne ka kyrtong jong ka seng NPP, u Bah Tynsong ula ong, “Ngin sa pyntip ia phi”.
Ula bynrap ba ka seng ka don ia bun ngut ki kyrtong kiba biang kiba kan pdiang hynrei ia ka rai kaba khatduh yn sa shim da ka election committee.
Ha kaba iadei bad ka jingjied ia u kyrtong na ka bynta ka Rajya Sabha, u Bah Tynsong ula ong, ba ka seng kam pat ioh pdiang ia kano kano ka jingtyrwa bad ki dang ap ba ka Election Commission bad ka ophis treikam jong u Speaker ne Chairman ka Rajya Sabha ban pynmih ia ka jingpynbna paitbah.
“Ngi ngim pat ioh pdiang ia kano kano ka jingtyrwa na ki kyrtong, kumta ngam pat lah ban ong eiei mynta. Ai ba ka jingpynbna paitbah kan mih shwa na ka Election Commission ryngkat bad na ka ophis jong u Speaker ne Chairman ka Rajya Sabha,” ula ong.
 shen kan sa rai ia u kyrtong na ka bynta ka elekshon shiteng samoi jong ka MP Lok Sabha na Shillong Constituency.){kind=link}