Shillong, Lber 24 : Ka Iingkashari Meghalaya High Court ha ka sngi Ba-ar, kala hukum ia ki bor ba dei khmih ba kin aiti noh ia ka environmental clearance bad ka safety assessment report jong ka project pynheh ia ka runway ha Shillong Airport hapoh ka lai taiew haba bishar ia ka jingiaid ki kam ha ka mukotduma bala mudui.
Ha ka hukum, ka Division Bench ba kynthup ia ka Chief Justice Revati Mohite Dere bad Justice W Diengdoh, kila shim jingthoh ia ka jingpynsngew ka Sorkar Pdeng ba ia ka Environmental Clearance yn sa ainoh shen.
U Deputy Solicitor-General Dr N Mozika ula pyntip ia ka Iingkashair ba ka Airports Authority of India (AAI) kala pynkhreh ia ka safety assessment plan, ka ban sa aiti sha ka Directorate General of Civil Aviation (DGCA) hapoh ka ar ne lai taiew.
Ka DGCA kan sa shong pyrkhat ban ai ia ka jingbit ban pyntrei ia kane ka project, ong u Mozika.
Halor ka jingkyrpad jong u, ka Iingkashari kala pynjlan ban shong bishar biang ia ka ha ka 22 tarik Iaiong, 2026.
