Nongpoh, Lber 24 : Kawei ka dukan die mobile ha Umsning Proper A, kala shah kyndang bad shah tuh haduh 3 tylli ki mobile phone, ha ki runar kiba la rung tuh hapoh ka dukan katba ka nongap ka dang leit shabar.
Kane ka dukan mobole ka dei kaba ai kyrteng ka SM Pyngrope Enterprise, ong ki Pulit kiba iathuh ba kane ka jingjia kala jia hynnin ka janmiet.
Kat kum ka video bala ioh ring lyngba ki kor CCTV, la pyni b alai ngut ki khynnah kila rung ha kane ka dukan ha ka por ba ka nongap ka dang mih leit shabar.
Lah ban kdew, ba ka kam tuh kam thiem ha Ri Bhoi District ka la nang kiew biang bad dang shen ka la jia ruh ha Bhoirymbong ha kaba ki runar ki la phrong bad rong tuh ia ki mobile phone na ka dukan, kaba la ioh ban ring dur lyngba ki CCTV.
