Shillong, Nailar 26 : Ka Sorkar Jylla kala rai ban rah noh ia 708 tylli ki kam ba shirta (permanent post) jong ka Border Wing Home Guard (BWHG) sha ka State Disaster Response Force (SDRF) hadien ka rai jong ka Iingkashari kaba lam sha ka jingthungkam pura ia kine ki nongtrei.
“Ngi la ai jingmynjur ban rah noh ia ki 708 tylli ki kam ka BWHG sha ka SDRF. Ia kane la leh namar ba ka don ka rai jong ka Iingkashari la bun snem mynta” ong u Myntri Rangbah Conrad K Sangma haba iakren bad ki lad pathai khubor hadien ka jingialang jong ka Kynhun Myntri ha ka sngi Ba-ar.
Ula pynbna ba ka Sorkar kan sat hung biang ia 708 ngut ki volunteer ba thymmai ban pyndap ia ki kam ba lait, da kaba pyndonkam ia ka pisa kaba ioh na ka Sorkar Pdeng.
“….namar ba ngin rah noh ia ki shirta sha ka SDRF, kane kan pyllait ia ki kam ba 708 ngut ki briew ki ban long kum ki volunteer. Ngin sa thung ia 708 ngut ki briew namar ka pisa ka don bad ka Sorkar India…” ula ong.
U Myntri Rangbah ula kular ba namar ka hukum ka iingkashari, ka Sorkar kan sa shim ia ki sienjam kiba donkam ban pynthikna ba kum kane ka juh ka jingjia kan ym jia shuh hadien habud.
 jong ka Border Wing Home Guard (BWHG) sha ka State Disaster Response Force (SDRF) hadien ka rai jong ka Iingkashari kaba lam sha ka jingthungkam pura ia kine ki nongtrei.){kind=link}