Shillong, Nailar 26: Ka Meghalaya Cricket Association (MCA) kala pynbna ia ka kyrteng ki 25 ngut ka kynhun U-19 Women’s Cricket Team kaban mihkhmat ia ka jylla ha ki jingiakob ialehkai kiban pynlong da ka BCCI na ka bynta ka samoi ialehkai jong u snem 2025-26.
Kane ka kynhun ka dei kaba la jied da ka Junior Women’s Selection Committee.
Ki nongjied jong ka MCA kila pynshong nongrim da ka jingbishar bniah ia ka rukom ialehkai ki nongialehkai ha ka Selection Trial kaba la long dang shen bad khamtam ia ka jinglah ka jongki ban ialehkai bha ha ka samoi ialehkai jong u snem 2024-25 bad 2023-24 kiba la pynlong da ka BCCI.
Ha ka waat ka baar jong ka jingjied ia ki nongialehkai yn pynlong ia ki jingialehkai naduh ka 15-19 tarik u Nailur ha Nongkhrah, Nongpoh ha Ri-Bhoi, bad hadien kane yn sa pynlong pat ia ka preparatory camp ne ka jingai jinghiaki pyntbit ban pynkhreh ia ka jingleit iakhun ia ki lympung iakob ialehkai.
Ka kynhun jong ka U-19 Women’s kaban ialehkai ha ka BCCI’s U-19 Women’s T20 Trophy kan sdang naduh ka 26 tarik u Risaw bad ka U-19 Women’s One Day Trophy kan sdang naduh ka 13 tarik u Nohprah.
Ki nongialehkai kiba la shah jied ki kynthup ia ka Monica Singh, Cheanchi Kambesa Sangma, Chigesanora Marak, Jayshree Singh, Marme M Sangma, Adalyne F Lyngkhoi, Namesha A Marak, Beneros D Shira, Adelakmen Lawai, Joanna Pyngrope, Banchila Marak, Yoolang Suting, Eliza Lyngdoh, Dawanshisha Warlarpih, Rosabel Lyngkhoi, Isha Ray, Jennifer Fancon, Ronjoli Basumatary, Rafinia Ryntathiang, Steffinie Sohshang, Fennysha Nongrum, Shreya Marak, Julitha Marak, Dejianna M Sangma bad ka Mendy Adrena Mawlong.
 kala pynbna ia ka kyrteng ki 25 ngut ka kynhun U-19 Women's Cricket Team kaban mihkhmat ia ka jylla ha ki jingiakob ialehkai kiban pynlong da ka BCCI na ka bynta ka samoi ialehkai jong u snem 2025-26.Kane ka kynhun ka dei kaba la jied da ka Junior Women's Selection Committee.){kind=link}