Shillong, Rymphang 11 : Ka Tnad Finance (Economic Affairs) ka Sorkar Jylla, kan pynlong ia ka Pre-Budget discussion (ka jingiasyllok ia ka mang tyngka ban wanrah ha Iingdorbar) jong ka Jylla Meghalaya ka bynta u snem mang tyngka 2025-26 la 12 tarik Rymphang, 2025.
Ia kane ka jingialang iatai ia ka mang tyngka yn pyniaid da u Myntri Rangbah ka Jylla Conrad K Sangma.
Katba ka Jylla ka dang jam sha ka lynti ban kynjoh ia ka ioh ka kot ba USD10 billion, ka jingiasyllok ka thmu ban ailad ia ki nongshongshnong ban pynwandur ia ka jingthmu ban mang bad pynlut pisa jong ka Jylla.
Kane ka jingialang kan ai ka lad ia ka jingiakren kaba tei halor ka polci mang tyngka bad ka jingmang pisa ban wan.
Ban pynthikna ïa ka jingïashim bynta kaba bun, la kyntu ïa ki nongshong shnong ban ïashim bynta ha ka jingïakren lyngba ka live stream bad ban ïasam ïa ki jingkylli bad ki jingai jingmut jong ki lyngba ki jingkynthoh. Ïa kane ka jingïalang yn pyni live ha Hello
Meghalaya, bad kumjuh ruh ha ka Facebook page:
Myntri Rangbah ka Jylla – https://www.facebook.com/cmmeghalaya/
MyMeg Meghalaya – https://www.facebook.com/mymegmeghalaya/
Ka Sorkar ka khot sngewbha ïa baroh ki kynhun bad ki paidbah ban ïashim bynta ha kane ka jingïakren kaba kongsan halor ka lynti ban pyndonkam ia ka pisa tyngka jong ka Meghalaya na ka bynta u snem mang tyngka 2025-2026.
Lah ban kdew hangne ba u Myntri Rangbah ka Jylla Conrad K. Sangma un wanrah ïa ka mang tyngka jong ka jylla ha ka 5 tarik Lber 2025. Ka dorbar mang tyngka jong ka Ïing Dorbar Thawaiñ ka Jylla Meghalaya kaba 11 kan long naduh ka 28 tarik Rymphang haduh ka 13 tarik Lber 2025.
 ka Sorkar Jylla, kan pynlong ia ka Pre-Budget discussion (ka jingiasyllok ia ka mang tyngka ban wanrah ha Iingdorbar) jong ka Jylla Meghalaya ka bynta u snem mang tyngka 2025-26 la 12 tarik Rymphang, 2025.){kind=link}