Shillong, Rymphang 11 : Ka Bharatiya Janata Party (BJP), kaba dei kawei na ki seng ba iatreilang ha ka Sorkar MDA, ha ka sngi Ba-ar kala bthah ia ka Fact Finding Committee (FFC) ban aiti ia ka kaiphod halor ki jingkynnoh tih dewong beain hapoh ka 40 sngi.
Ha ka kyrwoh, u General Secretary ka BJP Wankitbok Pohshna ula ong “U President ka BJP Meghalaya Rikman G Momin ula thung ia ka Fact Finding Committee ha ka 6 tarik Rymphang bad ha ka jingpynkylla khyndiat ia ka Committee, kine harum la nang thung biang kum ki dkhot ka Committee ba kin khmih bad tohkit ia ka jingkynnoh tih dewiong beain ha Meghalaya”.
“Ia kane ka Committee la ai por mynta 40 sngi ba kan wanrah ia ka kaiphod halor kane ka kam” ula bynrap.
U pyntip ba u Bernard R Marak ula shah thung kum u Convener ka Committee, bah Mariahom Kharkrang kum u Secretary bad 8 ngut ki dkhot ba kynthup ia u Bah Lakhon Biam, Raphius Sangma, Commanderful Sana, Karabar Tynkan, Daniella Nonglait, Darihun Marbaniang, Arun Kumar bad Pramod Jain.
