Shillong, Rymphang 10: Ka Meghalaya Board of School Education (MBOSE) kala pynsdang hynne ka sngi Nyngkong ia ka eksamin Secondary School Leaving Certificate (SSLC) 2025 bad kan kut ha ka 25 tarik u Rymphang.
Mynta u snem kila don 64,387 ngut ki khynnah pule kiba ialeh ia kane ka eksamin ha ki 164 tylli ki Centre kiba don ha ka jylla, kaba pyni ba kala don ka jingkiew ban ia u snem bala dep kaba long 55,191 ngut.
Na ki 164 tylli ki jaka thoh eksamin, 93 ki don ha ka Shillong Region (Khasi-Jaintia Hills), katba 71 tylli ki don ha ka Tura Region (Garo Hills). Ki don 37,861 ngut ki khynnah pule kynthei bad 26,526 ngut ki khynnah pule shynrang.
Ha kaba 29,973 kidei kiba ialeh ha ka Regular-I, 16,028 ha ka Regular-II, 1,455 ngut kum ki Private Candidate, 1,884 ngut kum ki Non-Regular Candidate,
21 ngut kiba ialeh ia ka Improvement Exams bad 15,026 kiba hap ha ka Compartmental Category.
Ki don baroh 1,896 tylli ki skul bad ki jaka pule kiba iashimbynta ha ka SSLC Exam kaba kynthup ia ki 698 tylli ki skul kiba la dep Affiliate ne pyniasoh bad 1,198 tylli ki bym pat Affiliate ne pyniasoh.
Kane ka eksamin kala sdang hynne ka sngi Nyngkong da ka sobjek English bad kan kut pat ds ka sobjek Mathematics ne Special Mathematics ha ka 25 tarik u Rymphang.
Ka eksamin kan sdang ha ka por 10 baje Mynstep haduh ka por 1 baje mynsngi bad ki jaka thoh eksam kila plie naduh ka por 9:30 My step bad ka jingsam ia ki jingkylli ka long ha ka por 9:45 mynstep bad ha ka por 9:50 mynstep la sam ia ki kot ban thoh ban jubab ia ki jingkylli. Na ka bynta ki Vocational subject, theory exam ka eksamin kan sdang ha ka por 10 baje mynstep haduh ka por 11 baje mynstep.
U Myntri Rangbah ka jylla u Conrad K. Sangma ula kitbok kitrwiang ia baroh ki khynnah kiba ialeh ia ka SSLC exam bad ula pynshlur ia ki ba kin lehbha bad ban long ka jingsngewsarong ia la ka iing bad ia ka jylla.
U Myntri ka pule puthi u Rakkam A. Sangma ruh ula kitbok kitrwiang bad buh jingduwai na ka bynta ki khynnah ki kmie ki kpa bad ia ki nonghikai. Ha ka kyrwoh ula banjur ia ka jingkordor ban pynleit jingnut bad ban long kiba ryntih ha ka por ba long ka eksam.
“Samla pule kane ka long ka lynti iaid ha ka jingim ka jong phi kaba kordor bha. Kine ki taiew kin pynwan dur ia ka lawei ka jong phi, kumta nga kyntu ia phi ba phin aiti lut ha kaban pynleit jingmut ha ka jingpule ka jong phi. Kiar na ki jingpynwit kiba shah khring lyngba ka mobile phone, games bad ka Television. Ka jinglehbha ka jong phi kan long ka jingsngewsarong ia ki kmie ki kpa, ka jaidbynriew bad ia ka jylla jong phi”.
Ula pynpaw ruh ia ka jingshimkhia ka sorkar ban kyntiew ia ka jinglah jong ki samla pule ban ialeh bha ia ka eksam da kaba ong, “Ha u snem bala dep, ka resol jong ka SSLC kam shym la long kumba la angnud. Kumta ka sorkar kala wanrah ia kiba bun ki lad ban kyrshan ia ki samla pule bad ban kyntiew ia ki ban lehbha ha ka pule puthi. Nga duwai ba man la ki khynnah kin wan shakhmat ha kane ka exam.”
Ula pynshlur ia ki khynnah ba kin leh ia ka eksamin da ka jingskhem jingmut bad da ka jingngeit.
“Kynmaw ba phin rung ha ka jaka thoh eksam da kaba buh jingduwai bad pan ia ka jingkyrkhu na u Blei ba un ai ia ka bor bad ka jingpynshai. Nga kyntu ruh ia ki kmie ki kpa ba kin kyrshan bad btin lynti ia la ki khun ha kum kane ka khyllipmat kaba kongsan bha”.
Ka MBOSE kala kyntu ia ki khynnah ba kin bud ryntih ia ki kyndon jingbthah ha ka jingialeh ia ka eksamin bad ki bor pyniaid kila shimkhia ban pynthikna ba kane ka eksamin kan long kaba iaid beit iaid ryntih ha baroh ki jaka thoh eksam.
, katba 71 tylli ki don ha ka Tura Region (Garo Hills). Ki don 37,861 ngut ki khynnah pule kynthei bad 26,526 ngut ki khynnah pule shynrang.){kind=link}