Shillong, Jymmang 25 : Ka Sorkar ka thmu ban buh sa palat 2000 tylli ki transformer ha kylleng ka Jylla ban pynlong ia ka jingsam bording kaba kham lah banshaniah bad ban weng ia ka jingujor ba tlot ka bording, ong u Commissioner & Secretary ka tnad bording Sanjay Goyal ha ka sngi Nyngkong.
“Ngin sab uh sa palat 2000 tylli ki tranformer ha kylleng ka Jylla khnang ba ka jingsam bording kan long kaba kham shaniah bad ban weng noh ia ki jingtlot ka borfing ha kiba bun ki jaka” ong u Goyal.
U bynrap ba kane ka jingbuh transformer ka dei shibynta na ka jingkyntiew kyrdan ia ki jingtei kaba la leh da ka jingthmu ban weng noh ia ki jingujor halor ka jingtlot ka bording.
“Ki don bun ki jingujor ba tlot ka bording…ngi la pyrshang ban pynbeit ia ki bad na ka bynta kane, ngi sa buh ia kine ki jingtei ba donkam, ngi hap ban pynlip bording da ka por ha ka por mynsngi khnang ba ngin lah ban pyndep ia kine ki kam” ula ong.
U Goyal ula ong ba kine ki jingkyntiew kyrdan ia ki jingtei ki dei kiba kynthup ia bun tylli ki kam.
Halor ka jinglong jingman ka jingsam bording ba mynta, ula ong “Ka jingdon bording hi ka long kumba ju long ia mynta. Namar ka lyiur kala wan artad, nga kyrmen ba ka jingioh bording kan kham kiew shuh shuh bad ia mynta, kam don satia ka jingduna bording ha Jylla”.
