Shillong, Nailar 25: Ka Sorkar Jylla kala iasoi soskular mynta bad ka National Insurance Company Limited (NICL) ban pyntreikam ia ka Megha Health Insurance Scheme (MHIS) Phase-V bad ka Pradhan Mantri Jan Arogya Yojana (MPJAY).
Ia kane ka soskular la iasoi hynnin ka 24 tarik Nailar hapdeng u CEO ka MHIS bad Additional Secretary ka Tnad ka Koit ka Khiah u Ramkumar bad u L.S Puni Isaac, Assistant Manager ka NICL.
La iasoi ia kane ka soskular ha ka jingiadon ryngkat u Myntri ka Tnad ka Koit ka Khiah ka Jylla James K Sangma bad kiwei kiwei ki Heh Ophisar ka Jylla bad ka Tnad ka Koit ka Khiah.
U Ramkumar u pyntip ba Insurance na kane ka MHIS-V-PMJAY kala kiew naka T. 5 lak sha ka T. 5.30 lak bad ka thup jong ki nongioh bynta ruh kala nang kham bun ha kane ka skhim ba mynta.
Ula pyntip ba baroh ki Nongshongshnong ka Jylla Meghalaya laitnoh ki Nongtrei ka Sorkar Jylla bad ka Sorkar Pdeng, ki lah ban ioh ia ki jingmyntoi jong kane ka skhim.
U Ramkumar u pyntip baka MHIS-V bad PMJAY kan sdang treikam noh naduh ka 1 tarik u Nailur 2022.
