Shillong, Nailar 13 : Ka kam ban pynkynriah ia palat 200 ngut ki nongshong dukan madan kala sdang khnang ban pynlong ia ka Khyndailad kum ka ‘Jaka iaid kjat u paidbah’ bad ka ‘jaka iaput iatem’ (music hub)-ban khring bad pdiang ia ki nongwan shangkai sha Shillong, kaba la tip kum ka Music Capital ka India.
Haba pyntip ia kane hynne ka sngi Ba-ar, u Myntri ka Tnad Tourism Bah Paul Lyngdoh ula ong “Hooid, ka kam (ban pynkynriah ia ki dukan madan) kala sdang. Ngi dei ban lah ban pyndep ia ka kham kloi katba lah katba ngi dang iohlum ia ki jingtip ia ki mar ki mata ba kine ki dukan ki die namar ngim lah ban shah ia 3-4 ngut ki briew, kiba die ia kajuh ka mar, ba kin don ha shijaka. Ki don katto katne ki nongdie madan kiba pyndonkam ia ka ding bad kum ia kane ngi hap ban pynthikna ia ka jingshngain, ngi dang khmih ia kine kiei kiei baroh”.
“Ka thong jong ngi ka long ban pyndep ia ka kam hapoh ka 15 tarik Nailar hynrei namar ka jingpynithuh ia ki mar ki mata bad ki kyrteng jong ki kyrteng, kala shimpor ban ia kaei kaba ngi la khmih lynti” ong u Bah Paul haba bynrap ba ka Sorkar kan sa pynmih biang shen ia ka jingpynbna ba thymmai halor kane ka kam.
Kat kum ka jingong jong u, ki don kumba 200 ngut ki nongshong dukan ha sawdong jong ka thain Khyndailad.
Haba pynpaw ba ka kam dukan madan ka dei kaba la pynbeit, u Bah Paul ula ong “Kan ym shim por shuh namar ngi kwah ban leh ha kata ka rukom kaba ki nongshong dukan madan ruh kin sngew ba ki iadonbynta lang bad ba ngi leh ia ki kam na ka bynta ka jingbha jong ki. Kumba nga ong ha phi, ngi la nang pynbun ia ki jingtei kiba donkam kynthup ka jaka die dukan madan kaba la shna bha na ka bynta ka bha ka miat jong ngi”.
“Hynnin hi, nga la kren ia u CEO ka SMB bad ula ai ia ka khubor ba long ba man mynta kata ba kila pynkynriah ia ki nong shong dukan madan, bala ithuh ia ki jaka shong dukan madan bad mynta ki dang pynbeit mano ban shong hangno, ka ban shong ruh ha ka mar ba ki pyniaid iew” ula ong.
Kat kum ka jingong jong u, kane ka dei ka sienjam bala iatreilang hapdeng ka Tnad Urban Affairs bad ka Tnad Tourism.
 kala sdang. Ngi dei ban lah ban pyndep ia ka kham kloi katba lah katba ngi dang iohlum ia ki jingtip ia ki mar ki mata ba kine ki dukan ki die namar ngim lah ban shah ia 3-4 ngut ki briew, kiba die ia kajuh ka mar, ba kin don ha shijaka. Ki don katto katne ki nongdie madan kiba pyndonkam ia ka ding bad kum ia kane ngi hap ban pynthikna ia ka jingshngain, ngi dang khmih ia kine kiei kiei baroh”.){kind=link}