Shillong, Naiwieng 02 : U MLA ka West Shillong Bah Paul Lyngdoh un bam smai mynta ka janmiet kum u Myntri ban pyndap ia ka shuki ba thylli jong ka Kynhun Myntri ka Sorkar Meghalaya Democratic Alliance-II (MDA-II).
U Bah Paul un shimti ia ka shuki kaba la thylli da ka jingiehnoh kam jong u President ka United Democratic Party(UDP) Bah Metbah Lyngdoh na ka kynhun Myntri.
Kat kum ka khubor la iathuh ba ka jingpynbam smai ia u Bah Paul Lyngdoh kan long mynta ka sngi ha ka por 5 baje janmiet.
Ka khubor ka iathuh ba da kane ka jingbam smai, kan sa don ruh ka jingpynkylla ia ka bhah kam ha ka kynhun Myntri bad la ong ba u Bah Paul u lah ban ioh shimti biang ban khmih ia ka Tnad Tourism, Social Welfare bad kiwei kiwei.
Ka jingaiti ia ka Tnad Tourism ha u Bah Paul kala wan jia ruh ha ka por ka jingmih ki kynrum kynram na ka project Shillong Peak Ropeway, kaba la shimkhia bha da u Bah Paul ha ki snem bala leit kum u Myntri ka Tnad.
.){kind=link}