Shillong, Aug 13: Ka sorkar Meghalaya ka la pynbna ia ka thup jong ki kynrem ki lyndan ki ban sa pyniaid ia ka jingrakhe ia ka sngi laitluid ha kylleng ka district headquarter jong ka jylla ha ka 15 tarik Nailar bad kin pynher ia ka lama lai rong ka ri bad ban shim ia ka salute ha kane ka jingiaid parade.
U Myntri Rangbah ka jylla u Conrad K. Sangma un pynher ia ka lama lai rong ka Ri ha nongbah Shillong.
Kiwei pat ki ban pynher lama ki kynthup ïa u Paul Lyngdoh ha Nongstoiñ, u Shakllar Warjri ha Nongpoh, bad u A. T. Mondal ha Jowai.
U bah Prestone Tyngsong un pynher ia ka lama lai rong ha Tura, ha ryngkat u bah Comingone Ymbon ha Williamnagar, bad u bah Lahkmen Rymbui ha Baghmara.
Ka Dr. Ampareen Lyngdoh kan leit sha Resubelpara, u Sanbor Shullai ha Mawkyrwat, u Rakkam Sangma ha Ampati, bad u Sniawbhalang Dhar ha Khliehriat.
Ia ka jinglehkmen ha Mairang, Pynursla, Chokpot, bad Raksamgre yn ialam da u Bah Kyrmen Shylla, u Ian Botham K. Sangma, u Brenning D. Sangma, bad u Bah Banteidor Lyngdoh.
U Bah Methodius Dkhar un pynher ia ka lama ha Mawshynrut, u Bah Renikton L. Tongkhar ha Ranikor, u Bah Sosthenes Sohtun ha Patharkhmah, u Jim Sangma ha Rongjeng, u Sanjay A. Sangma ha Jengjal, bad u Limison D. Sangma ha Dalu.
